WAZAZI WENYE WATOTO WASIOCHANGIA CHAKULA MASHULENI KUBANWA.

Posted on: January 23rd, 2024

Mkuu wa Wilaya ya Kondoa Mh.Dkt Khamis Mkanachi mapema tarehe 23/01/2024 amewaagiza Maafisa Tarafa na Watendaji wa Kata Halmashauri ya Wilaya ya Kondoa kuwatangazia wanachi wote kwenye kata zao kuwa kuanzia wiki ijayo msako wa nyumba kwa nyumba utafanyika kuwakamata na kuwachukulia hatua wazazi wa wanafunzi wote ambao hawajachangia chakula mashuleni.

Dkt. Mkanachi ameyasema hayo kwenye kikao cha lishe robo ya pili kilichofanyika katika ukumbi wa miktano jengo jipya la halmashauri lililopo Bukulu kilichowakutanisha baadhi ya Wakuu wa Divisheni, Maafisa Tarafa pamoja naWatendaji wa Kata kwa kufanya tathmini ya pamoja ya utekelezaji wa mkataba wa lishe kwa kipindi cha Julai –Disemba 2023/2024.

Dkt.Mkanachi aliendelea kuwasisitiza wajumbe wa kikao hicho kila mmoja kwa nafasi yake kuendelea kutimiza majkumu yao kwa weledi ikiwemo utoaji elimu ya kutosha juu ya umuhimu wa lishe majumbani na shuleni.

Katika kikao hicho wajumbe walijuzwa hali ya utekelezaji wa viashiria vya mkataba wa lishe ngazi ya halmashauri ikiwemo fedha zilizotengwa ,kutolewa na kutumika kwa kipindi cha Julai –Disemba2023 ni Tsh 42,734,899 sawa na 100.77%,Utoaji wa Vidonge vya Madini ya Chuma na Asidi ya Foliki (FEFO)kwa wanawake wajawazito 17416,matibabu kwa watoto 38 wenye utapiamlo,shuule za msingi na sekondari 129 zinatoa chakula shuleni,Watoto wapatao 41,145 walipewa Matone ya Vitamin A na Dawa za minyoo kwa kipindi cha Julai-Disemba 2023 n.k.

Pia katika kikao hicho tahadhari ilitolewa kwa wananchi kzingatia usafi ili kuepukana na magonjwa ya mlipiko ikiwemo kipindupindu na ugonjwa wa macho mekundu (RED EYES) yaliyozuka hivi karibuni kwa kutangazwa na wizara ya Afya.