WAZIRI DKT.ASHATU KIJAJI ASIFU UTENDAJI KAZI WA MKURUGENZI KONDOA DC.

Posted on: February 1st, 2026

Mbunge wa Jimbo la Kondoa na Waziri wa maliasili na Utalii  Mhe.Dkt.Ashatu Kijaji amesifu utendaji kazi wa Mkurugenzi Mtendaji wa Wilaya ya Kondoa Ndg. Shaban Millao katika utekelezaji yake sanjari na ukamilishaji wa miradi mbalimbali ya maendeleo Wilayani hapo.

Dkt.Ashatu ameyasema hayo alipokuwa akifungua  Zahanati ya Berabera katika kata ya Kikilo Wilayani hapo ambapo amewaasa wanakijiji na wananchi kumpa ushirikiano ili awaletee maendeleo.

"Wananchi wa Kondoa tuna bahati kubwa ya kuwa na Mkurugenzi huyu, anatekeleza majukumu mithili ya DC, anatekeleza majukumu yake pia na mengine mengine ni mfano wa kuigwa"

" tunaona jinsi ambavyo miradi ya maendeleo inaendelea vzuri haswa kwa kupitia haya mapato ya ndani, na mimi huko nilipo sina shaka natekeleza majukumu mengine ya Serikali huku ninafahamu kuwa nyuma nina timu nzuri ya kazi" aliongeza Dkt. Ashatu

Aidha Dkt.Kijaji amewaasa wananchi kuwa mabalozi wazuri wa amani katika maeneo yao na kushirikiana na viongozi wa serikali kuanzia ngazi ya chini katika Shughuli mbalimbali za maendeleo.

Waziri Dkt.Kijaji amefafanua kuwa kiu ya Mhe.Rais Dkt.Samia Suluhu Hassan ni kuhakikisha maendeleo yanawafikia watanzania wote na kufikisha tabasamu kwao