WATAALAM WA ELIMU NA VIONGOZI WAWEKA KAMBI KONDOA

Posted on: December 5th, 2023

Wataalam wa Elimu na viongozi mkoa wa Dodoma wamekutana ukumbi wa mikutano chuo cha ualimu bustani wilayani kondoa kufanya kikao kazi maalum chenye kauli mbiu isemayo ‘’Uwajibikaji Wangu ni Msingi wa Kuinua Ubora wa Elimu na Ufaulu Dodoma’’. 

Kikao hicho kimewakutanisha Viongozi na wataalam wa elimu ngazi ya mkoa na wilaya kwa kuwakutanisha maafisa elimu awali&msingi ,sekondari ,teachers service commission (TSC) ,Chama cha walimu Tanzania (CWT) pamoja na wadhibiti uubora ngazi ya halmashauuri zote 8 za mkoa wadodoma

Akifunguua kikao kazi hicho Afisa Elimu Mkoa wa Dodoma Mw.Vicent Kayombo ametmia nafasi hiyo kuwaagiza Wataalam wa Elimu na Viongozi Mkoa wa Dodoma kuhakikisha ufatiliaji maalum Mashuleni unazingatiwa kwa kufuata muongozo uliotolewa na Ofisi ya Rais TAMISEMI,Mazoezi kwa wanafunzi yasiyopungua 20 na kusahihishwa ,Wanafunzi kupatiwa kazi za Nyumbani ,Uimarishaji ukakamavu kupitia Mazoezi ya Michezo shuuleni ,Ufundishaji muda wa ziada kwa kuzingatia taratibu ,Miongozo na Maelekezo ya Wizara ,Vikao na wazazi kufanyika,Kutojiingiza kwenye Udanganyifu pamoja na Matumizi ya Lugha ya Kingereza katika uendeshaji wa vikao ngazi ya sekondari.

Katika kikao hicho Mada mbalimbali zimejadiliwa zikiwemo Uongozi na Usimamizi wa Shughuli za Elimu ,Mkakati wa Urejeshaji Wanafunzi Shuleni ,Usimamizi wa Miradi ya Shule ,Tathmini ya Maendeleo ya Elimu pamoja na Rasimu ya Mkakati wa Elimu Mkoa wa Dodoma.

Kikao kazi hicho kitadumu kwa muda wa siku 4 kwa kuanza tarehe 5/12/2023 na kuhitimishwa siku ya tarehe 8/12/2023 ambapo Mgeni rasmi wa ufungaji wa kikao kazi hicho anatarajiwa kuwa Mkuu wa Mkoa wa Dodoma Mh.Rosemary Senyamule.