WALIMU NA MAAFISA ELIMU KATA KONDOA DC WAJENGEWA UWEZO WA USIMAMIZI UFUNDISHAJI NA UJIFUNZAJI

Posted on: June 21st, 2025

JISerikali kwa kushirikiana na Wadau wa Elimu imetoa mafunzo ya kuwajengea uwezo Walimu, Viongozi wa shule na Maafisa elimu kata kupitia mpango wa JEZEKE (Jenga Zekevu kwa Elimu ya Kujifunza kwa Ufanisi).

Mafunzo hayo yamefanyika mapema leo Juni 17, 2025 katika Ukumbi wa Mikutano Kondoa Irangi, Kondoa Mjini  yakilenga kuboresha usimamizi wa ufundishaji na ujifunzaji mashuleni ili kuinua ubora wa elimu ngazi ya msingi.

 Akizungumza wakati ufunguzi wa mafunzo hayo Mratibu wa Mradi wa SHULE BORA  Mkoa wa Dodoma Mwl. Jeni Amani ameipongeza na kuishukuru Serikali ya Awamu ya Sita kwa jitihada zake za kuhakikisha inaboresha mazingira bora kwa wataalamu wa elimu katika ujifunzaji na ufundishaji ambapo hadi kufikia sasa ushirikiano uliipo na Serikali ya Uingereza kupitia mradi wa Shule bora Halmashauri ya Wilaya ya Kondoa imenufaika na mafunzo mbalimbali kwa wataalamu wake wa elimu ikizingatia vipaumbele katika ubora wa ufundishaji, ujifunzaji, elimu jumuishi,  uimarishaji wa mifumo pamoja na kukabiliana na mabadiliko ya tabia ya nchi.

Kwa upande wake Mratibu wa mafunzo ya Shule bora katika Halmashauri Mwl. Benedict George amesema mafunzo hayo yatakuwa ya siku tatu yakilenga Jumla ya washiriki 121 (Walimu Wakuu na Maafisa Elimu kata).

 "Katika mafunzo haya tunatarajia kufanikisha malengo kama inavyotakiwa, kwakua walimu wemedilishana ujuzi na maarifa mbalimbali hasa katika masuala ya ufundishaji" ameongeza Mwl.Benedict.

Aidha kwa upande wao wanufaika wa mafunzo hayo wamesema wameyapokea vizuri kwakua yatawajengea uwezo mzuri katika ufundishaji  utakaoleta matokeo chanya kwa wanafunzi hasa katika kuziongoza vizuri taaisi za elimu, ili kuleta matokeo chanya hasa katika kuongeza ufaulu kwa wanafunzi ndani ya Mkoa wa Dodoma.