WALIMU 896 WAGAWIWA VISHIKWAMBI WILAYANI KONDOA

Posted on: January 16th, 2023

Tukio la ugawaji vishikwambi limefanyika leo tarehe 16January ,2023 katika viunga vya makao makuu  ya Halmashauri yalioko katika kijiji cha Bukulu  kata ya Soera Wilayani Kondoa.Akiongoza zoezi hilo  Afisa Elimu  Msingi na Awali Bi Margareth Temu akiwa na timu nzima ya Elimu msingi na  Sekondari waliongoza zoezi hilo ,zoezi ambalo lilihusisha walengwa wakuu ambao ni Walimu wa shule za Msingi,Walimu wa shule za Sekondari pamoja na Maafisa Elimu kata wote kutoka kata zote 21 za Halmashauri ya Wilaya ya Kondoa.

Katika zoezi hilo Bi Temu alikua na haya ya kusema na hapa namnukuu'' Lengo kuu la Serikali kutoa vishikwambi hivi vipatavyo 896 kwa walimu wote wa Sekondari na Msingi pia kwa Maafisa Elimu kata wote ni kurahisisha tendo la ufundishaji na ujifunzaji ,tunamshukuru Mh,Rais wa Jamhuri ya Muungano wa Tanzania kwa kuliona hili na kuwapa Walimu kifaa hiki muhimu ili kuinua kiwango  na ubora wa Elimu Tanzania.

Wakipokea vitendea kazi hivi, Mwl Adam P. Faraji kwa niaba ya Walimu wote alikua na haya ya kusema'' Kwa niaba ya walimu wote natoa shukrani za dhati kwa serikali kwa kutupatia vishikwambi hivi ,ili kuboresha ufundishaji na ujifunzaji mashuleni kwa vitaleta chachu  kwa walimu  kujifunza na kupakua vitabu mbali mbali vya kiada na ziada ambavyo vitasaidia kuinua taaluma ndani  nje ya Wilaya ya Kondoa''.

Lakini pia Afisa Elimu Sekondari Bi Line Chanafi aliwasisitiza walimu hawa kutunza vishikwambi hivi na kuvitumia kwa lengo lililo kusudiwa na Serikali katika kuboresha na kuinua taaluma mashuleni.Hakika limekua ni jambo la kihistoria katika tasnia ya elimu alisikia Mwalimu mmoja akisema.