NMB NA KONDOA-DC WAADHIMIDHA SIKU YA MICHEZO DUNIANI

Posted on: April 6th, 2019

Katika  kuadhimisha siku ya michezo Duniani wafanya kazi wa halmashauri ya wilaya ya kondoa kwa kushirikiana na wafanya kazi wa Bank ya NMB Kondoa wamefanya Bonanza la pamoja lililofanyika katika fukwe za Hotel ya River side iliyoko kondoa .Bonanza hilo lilifanyika majira ya jioni likiwa na lengo la kujenga ushirikiano baina ya pande hizi mbili pia kujenga  afya ,upendo na ville vile michezo hujenga umoja katika jamii.

 Kwa upande wa halmashauri ya kondoa wafanya kazi wake waliongozwa na Kaimu mkurugenzi ndugu Archanus Kilaja akisaidiwa na Afisa utamaduni wa wilaya ndugu Mohamed Chilo wote  kwa pamoja bega kwa bega kuhakikisha wanamichezo wao wanafanya kile walichotakiwa kufanya.

Bank ya NMB wafanya kazi wake walingozwa na meneja wa bank hiyo bwana Francis Mwita Marire akisaidiwa na mwana mama machachari maarufu kama madam Ikonda ambao kwa pamoja walipeperushwa bendera ya upande wao kuhakikisha wanaondoka na ushindi. Kwa upande  wa michezo iliokua ikishindaniwa ni pamoja na kuruka chini wanaume na wanawake ,kukimbia mita mia moja ,kuvuta kamba,kufukuza kuku ,kupiga push-up pamoja na kucheza mpira wa miguu.

Wakati wa mashindano yakifanyika pande zote mbili zilipambana vilivo yaani ilikua ni vuta nikuvute kila upande ukionesha vipaji vyao kadri Mungu alivyo wajalia ili mradi tu wajinyakulie ushindi,hakika bonanza limefana sana kila upande ukijinasibu kuibuka washindi.

Hadi mwandishi anatoka eneo la tukio matokeo yalikua kama ifuatavyo ,Bank ya NMB waliibuka na alama 25 kwa ushindi wa jumla na kondoa DC iliibuka na alama  26 .Kaimu mkurugenzi ambae alikua kamisaa wa bonanza hilo aliitangaza halmashauri ya kondoa kua ndo washindi wa jumla nakukabidhiwa ngao ya ushindi kuashiria kua wao ndo washindi wa bonanza hilo pande zote mbili walipongezana kwa pamoja wakitakiana ushirikano wa thati katika kulijenga taifa.

Meneja wa NMB ndugu Mwita aliwashukuru washindi na washiriki wote kwa kupambana kwa nguvu zote bila kujali nyazifa zao wala umri wao na kuahidi kua watajipanga kwa mara nyingine ilikutwaa kikombe hicho pia kuwaomba washiriki wa pande zote mbili kudumisha ushirikano baina yao kwani wote ni ndugu tunajenga nyumba moja.