SERIKALI YATOA OFA YA CHANJO YA MIFUGO KONDOA DC

Posted on: January 11th, 2025

Halmashauri ya Wilaya ya Kondoa imepokea Chanjo ya Mifugo kutoka Serikali kuu kupitia Wizara ya Mifugo na Uvuvi.

Hayo yamebainishwa na Mkuu wa Divisheni ya Kilimo,Mifugo na Uvuvi Ndg.Juvenal Munishi kwa Niaba ya Mkurugenzi Mtendaji wa Halmashauri, akizungumza na wananchi wa kijiji cha Hurui kata ya Kikore katika mkutano wa hadhara akiwatangazia wafugaji wa kijiji hicho habari njema juu ya Serikali ya Awamu ya Sita chini ya Mhe.Rais Dkt Samia Suluhu Hassan kutoa Chanjo ya Mdondo(Kideri)kwa  Kuku Bure bila ya malipo yoyote,Chanjo ya Homa ya Mapafu kwa N'gombe ambayo mfugaji atachangia Tsh 500 badala ya Tsh 1200,Chanjo ya Sotoka kwa Mbuzi na Kondoo Mfugaji atalipia Tsh 300 badala ya 800.

Kupungua kwa gharama hizi za chanjo kwa mifugo jamii ya Ng'ombe,Mbuzi na Kondoo ni programu  ya miaka 5 kwa kuchanja mifugo ikimlipia mfugaji gharama zinazobaki za uchanjaji mifugo hiyo.Serikali inatamani kuona wakulima na wafugaji wanapata fedha kupitia shughuli wanazozifanya na ndio maana inajitahidi kutafuta masoko kwenye mataifa makubwa kama uarabuni ambayo imekubali kununua mbuzi wasio na maradhi ikihakikisha inapeleka mifugo iliyo katika ubora unaoendana na viwango vya kimataifa"amesema Ndg.Munishi.

Kwa upande mwingine Ndg.Munishi amegusia suala la mradi wa kilimo cha umwagiliaji ambao Serikali imelichukua kwa kujumuishwa katika Bajeti ya mwaka 2024/2025 mchakato wa awali kufanyika kwa upembuzi yakinifu.