SEKONDARI YA NTOMOKO YAANZA KUPOKEA WANAFUNZI WA KIDATO CHA KWANZA 2024

Posted on: January 9th, 2024

 SEKONDARI MPYA NTOMOKO YAANZA KUPOKEA WANAFUNZI WA KIDATO CHA KWANZA 2024

Shule Mpya ya Sekondari Ntomoko iliyopo kijiji cha Ntomoko kata ya Haubi imeanza kupokea wanafunzi wa kidato cha kwanza kwa mara ya kwanza baada ya kukamilika kwa ujenzi wa shule hiyo mpya na kufunguliwa kama shule nyingine nchini kuanza masomo tarehe 08/01/2024.

Akizungumza na wanafunzi hao wa kidato cha kwanza Afisa Elimu Sekondari Halmashauri ya Wilaya ya Kondoa Bi.Line Chanafi ametumia nafasi hiyo kuwakaribisha shuleni hapo akiwaasa wazazi na wanafunzi ,kutumia fursa hii adhimu kuwatia moyo wanafunzi ambao bado hawajaripoti shuleni kuanza kufika.

‘’Serikali ya Mama Samia imewekeza fedha nyingi kwa kujenga miundombinu rafiki na matarajio yetu nikuwa na wanafunzi 72, niwahamasishe na kuwatia moyo wanafunziwenzenu waliopo nyumbani waweze kufika shuleni hata kama hawana sare za shule tutawapokea,tunakwenda kuwa miongoni mwa shule bora na utaratibu wa chakula utaanza mapema ‘’.alisema Bi.Chanafi.

Akiwa shuleni hapo amekabidhi na kupanda miche ya matunda,kivuli pamoja na maua akishirikiana nao kwa ajili ya kuendelea kupendezesha mandhari ya shule na kukabidhi vifaa vya kufanyia usafi.

Kwa upande wa baadhi ya wanafunzi hao wa kidato cha kwanza wamemshukuru mheshimiwa Rais Dkt Samia Suluhu Hassan kwa kuwajengea shule hiyo mpya ambayo itawapunguzia adha ya kusafiri umbali mrefu hadi kufikia shule ya Sekondari Intella na kuahidikufanya vizuri masomo yao.

Pia katika ziara yake ,Afisa Elimu Sekondari Bi.Chanafi ametembelea shule nyingine za sekondari Aman Abeid Karume na Kiteo zilizopo kata ya Pahi kujionea mahudhurio ya wanafunzi wa kidato cha kwanza na vidato vingine,kufanya mazungumzo na walimu wa shule hizo pamoja na kutembelea mashamba ya shule kwa ajili ya uzalishajii wa mazao ya chakula kwa ajili ya uboreshaji wa huduma za chakula mashuleni akiambatana na Afisa kilimo na mifugoi na uvuvi wa halmashauri Ndg.juvenal Munishi pamoja na afisa elimu sekondari taaluma Ndg.boniface chipana.

Shule Mpya ya Sekondari Ntomoko imegharimu kiasi cha Sh.MiL 544,225,626 hadi Ujenzi kukamilika Na kupata Usajili wa nambari S.422 mapema mwaka 2023.

Habari na chanzo chetu www.kondoadc.go.tz.