MSIMAMIZI WA UCHAGUZI KONDOA DC AKUTANA NA VIONGOZI WA VYAMA VYA SIASA KONDOA

Posted on: December 2nd, 2024

Msimamizi wa Uchaguzi Halmashauri ya Wilaya ya Kondoa Ndg.Shaban Millao mapema Novemba 2,amekutana na Viongozi wa Vyama vya Siasa Wilaya ya Kondoa Ofisini kwake Bukulu yalipo Makao Makuu ya Halmashauri.

Viongozi wa vyama hivyo ni Bw.Issa Msafiri Katibu CUF,Bw.Habibu Chobu Mwenyekiti ACT- Wazalendo,Bw.Saidi Ibote Mwenyekiti CUF pamoja na Bw.Kimolo Darabu ambaye ni Katibu Mwenezi CCM.

Ndg.Millao amewashukuru viongozi hao kwa ushirikiano walionesha kipindi chote cha zoezi zima la uchaguzi.

"Niwashukuru kwa Ushirikiano wenu katika kipindi chote, penye changamoto tumezitatua pamoja na niwaombe mpeleke shukrani hizi kwa wanachama wenu "alisisitiza Ndg.Millao.

Kwa upande wao viongozi hao walianza kumpongeza Msimamizi wa Uchaguzi Halmashauri pamoja na wasaidizi wake ngazi ya kata na vijiji, kusimamia vyema uchaguzi pamoja na kulipongeza Jeshi la Polisi Wilaya kwa kuimarisha ulinzi na usalama kwa kipindi chote cha zoezi zima.

Sambamba na shukrani hizo Ndg.Millao, amewaeleza lengo kuu la kikao hicho ni Marejeo ya Uchaguzi katika kitongoji cha Dabiri A kijiji cha Keikei Tangini kata ya Keikei utakaofanyika tarehe 11Desemba,akizungumzia zoezi la uteuzi kwa wagombea kufanyika tarehe 3 baada ya kukamilika kwa zoezi la Uchukuaji na Urudishaji fomu leo, kuanza kwa kampeni tarehe 4 hadi 10/12/2024 na wananchi wa kitongoji hicho kupiga kura siku ya terehe 11/12/2024.

Pamoja na kujadili kurudiwa kwa uchaguzi huo,Ndg.Millao amewatangazia kufanyika kwa zoezi lingine la Uboreshaji wa Daftari la kudumu la Wapiga kura wa Uchaguzi Mkuu 2025 litakaloanza tarehe 11 hadi 17 mwezi Desemba ,2024 aliwataka kuwatangazia wanachama wao kujiandikisha kwa wingi katika Daftari hilo.