MKURUGENZI MTENDAJI WA HALMASHAURI YA WILAYA YA KONDOA AFANYA ZIARA KIJIJI CHA KWAYONDU

Posted on: May 11th, 2025

Mkurugenzi Mtendaji wa Halmashauri ya Wilaya ya Kondoa Ndg.Shaban Millao amefanya ziara siku ya tarehe 6/05/2025 na kutembelea katika kijiji cha Kwayondu kuzungumza na wanachi.

Katika ziara hiyo Ndg. Millao amekutana na wananchi wa kijiji cha Kwayondu kusikiliza kero pamoja na kufuatilia maendeleo ya kijiji hicho , ziara hiyo iliambatana na zoezi la upandaji wa miti katika zahanati ya kijiji hicho ikiwa ni juhudi za kumuunga mkono Rais wa Jamhuri ya Muungano wa Tanzania Mhe Dkt Samia Suluhu Hassan katika kuimarisha na kutunza mazingira.

Akizungumza na wananchi Ndg. Millao amewaomba wananchi kuachana na matumizi ya kuni badala yake watumie majiko banifu ambayo ni rafiki kwa mazingira.

 "Nimefurahi mazingira yenu ni mazuri lakini niendelee kuwasisita tutunze mazingira, pale inapobidi tuache kutumia kuni badala yake tutumie majiko ya banifu". Alisema Ndg.Millao

Aidha Ndg.Millao amewaasa wananchi kujitokeza kushiriki zoezi la uchaguzi mkuu wa serikali kwa kuwapigia kura viongozi ambao ni wazalendo, wapenda haki na wenye nia ya dhati ya kufanya maendeleo katika taifa letu "Tujitokeze kwa wingi kuchagua viongozi wenye maono, Viongozi wanao sisitiza amani na utulivu, kiongozi mwenye uchungu na kina mama ,wakulima pamoja na sekta zote za maendeleo ya jamii" alisema Ndg. Millao.

Wananchi wa kijiji cha Kwayondu wameishukuru serikali kwa jitihada ambazo inafanya katika kuhakikisha maendeleo yanafika mpaka ngazi ya vijiji, sambamba na hilo wananchi wamemshukuru Mkurugenzi wa Halmashauri ya Wilaya ya Kondoa Ndg. Shaban Millao kwa kuahidi kumalizia zahanati yao waliyoanzisha kwa nguvu za wananchi pamoja na kusikiliza changamoto zao ambazo ameahidi kufikisha salamu hizo kwa serikali ili ziweze kufanyiwa kazi mara moja.