MKURUGENZI MILLAO AONGOZA BONANZA LA MNENIA KUELEKEA MWENGE WA UHURU 2025

Posted on: April 16th, 2025

Mkurugenzi Mtendaji wa Halmashauri ya Wilaya ya Kondoa Ndg.Shaban Millao amewaongoza wananchi wa kata ya Mnenia katika Bonanza la Michezo katika kuelekea mapokezi ya Mwenge wa Uhuru mwaka 2025.
Akizungumza katika Ufunguzi wa Bonanza hilo Ndg.Millao , amesema lengo kuu la kuanzisha Bonanza hilo ni kuhamasisha wananchi kujitokeza kwa wingi kwa kushiriki kikamilifu katika mapokezi ya Mbio za Mwenge wa Uhuru ambao utapokelewa katika kata ya Mnenia tarehe 23 Aprili ,2025.
"Kujitokeza kwetu kwa wingi inadhihirisha kuwa tuna imani na Serikali yetu inayoongozwa na Mhe.Rais Dkt.Samia Suluhu Hassan,hivyo jukumu letu ni kuhakikisha tunahamasishana kwa idadi kubwa na kujitokeza siku hiyo."alisema Ndg.Millao.
Sambamba na hilo Ndg.Millao amewahamasisha wananchi kuchagua viongozi wenye uchungu na maendeleo ambao watakua na nia ya kudumisha Amani na Upendo,akiwasisitiza kulinda amani iliyoasisiwa na muasisi wa taifa letu Mwl.Julius K.Nyerere na kujifunza kwa nchi jirani zinavyoteseka baada ya kukosa amani.
Kwa upande wake Afisa Utamaduni Halmashauri Ndg.Mohamed Chillo amewashukuru viongozi wa kata hiyo kwa kuandaa Bonanza hilo,akiwaasa wananchi kuwa tayari katika ushiriki wa mapokezi ya Mwenge wa Uhuru 2025.
Naye Mwenyekiti wa Kijiji cha Mnenia Mhe.Abdi Ally Chobu ameushukuru uongozi wa Halmashauri kwa kuchagua Kijiji cha Mnenia,kuwa kituo cha Mapokezi ya Mwenge wa Uhuru mwaka 2025.
Mwenge wa Uhuru mwaka 2025 unatarajiwa kupokelewa tarehe 23 Aprili 2025, katika Halmashauri ya Wilaya ya Kondoa kijiji cha Mnenia na kukesha katika kijiji cha Kisese Disa-Kata ya Kisese ikiongozwa na kauli mbiu isemayo "Jitokeze kushiriki Uchaguzi Mkuu wa Mwaka 2025 kwa Amani na Utulivu "
Mwenge wa Uhuru utatembelea ,kukagua na kuzindua miradi mbalimbali ya maendeleo ikiwemo : Uzinduzi wa Mradi wa Mazingira na Usafi katika Zahanati ya Itundwi, Ujenzi wa Madarasa, Ofisi na Matundu ya vyoo Shule ya msingi Bambare, Ujenzi wa Daraja la Mto Hurui- kijiji cha Hurui, Mwenge wa Uhuru pia utakagua miradi miwili ambayo ni Mradi wa Nishati safi kijiji cha Mnenia, Mradi wa Kikundi cha Vijana Electronic kijiji cha Kisese Dissa, Mwenge wa uhuru pia utapita katika miradi miwili kuweka mawe ya msingi katika Mradi wa maji uliopo kijiji cha Bambare na Mradi wa Ofisi ya kijiji uliopo kijiji cha Filimo.

Mkurugenzi Mtendaji wa Halmashauri ya Wilaya ya Kondoa Ndg.Shaban Millao amewaongoza wananchi wa kata ya Mnenia katika Bonanza la Michezo katika kuelekea mapokezi ya Mwenge wa Uhuru mwaka 2025.

Akizungumza katika Ufunguzi wa Bonanza hilo Ndg.Millao , amesema lengo kuu la kuanzisha Bonanza hilo ni kuhamasisha wananchi kujitokeza kwa wingi kwa kushiriki kikamilifu katika mapokezi ya Mbio za Mwenge wa Uhuru ambao utapokelewa katika kata ya Mnenia tarehe 23 Aprili ,2025.

"Kujitokeza kwetu kwa wingi inadhihirisha kuwa tuna imani na Serikali yetu inayoongozwa na Mhe.Rais Dkt.Samia Suluhu Hassan,hivyo jukumu letu ni kuhakikisha tunahamasishana kwa idadi kubwa na kujitokeza siku hiyo."alisema Ndg.Millao.

Sambamba na hilo Ndg.Millao amewahamasisha wananchi kuchagua viongozi wenye uchungu na maendeleo ambao watakua na nia ya kudumisha Amani na Upendo,akiwasisitiza kulinda amani iliyoasisiwa na muasisi wa taifa letu Mwl.Julius K.Nyerere na kujifunza kwa nchi jirani zinavyoteseka baada ya kukosa amani.

Kwa upande wake Afisa Utamaduni Halmashauri Ndg.Mohamed Chillo amewashukuru viongozi wa kata hiyo kwa kuandaa Bonanza hilo,akiwaasa wananchi kuwa tayari katika ushiriki wa mapokezi ya Mwenge wa Uhuru 2025.

Naye Mwenyekiti wa Kijiji cha Mnenia Mhe.Abdi Ally Chobu ameushukuru uongozi wa Halmashauri kwa kuchagua Kijiji cha Mnenia,kuwa kituo cha Mapokezi ya Mwenge wa Uhuru mwaka 2025.

Mwenge wa Uhuru mwaka 2025 unatarajiwa kupokelewa tarehe 23 Aprili 2025, katika Halmashauri ya Wilaya ya Kondoa kijiji cha Mnenia na kukesha katika kijiji cha Kisese Disa-Kata ya Kisese ikiongozwa na kauli mbiu isemayo "Jitokeze kushiriki Uchaguzi Mkuu wa Mwaka 2025 kwa Amani na Utulivu "

Mwenge wa Uhuru utatembelea ,kukagua na kuzindua miradi mbalimbali ya maendeleo ikiwemo : Uzinduzi wa Mradi wa Mazingira na Usafi katika Zahanati ya Itundwi, Ujenzi wa Madarasa, Ofisi na Matundu ya vyoo Shule ya msingi Bambare, Ujenzi wa Daraja la Mto Hurui- kijiji cha Hurui, Mwenge wa Uhuru pia utakagua miradi miwili ambayo ni Mradi wa Nishati safi kijiji cha Mnenia, Mradi wa Kikundi cha Vijana Electronic kijiji cha Kisese Dissa, Mwenge wa uhuru pia utapita katika miradi miwili kuweka mawe ya msingi katika Mradi wa maji uliopo kijiji cha Bambare na Mradi wa Ofisi ya kijiji uliopo kijiji cha Filimo.