KONDOA DC YAPANIA UTOAJI WA CHAKULA MASHULENI KWA ASILIMIA 100

Posted on: August 14th, 2024

Wajumbe wa Kamati ya Lishe Halmashauri ya Wilaya ya Kondoa wamedhamiria kuhakikisha wanafunzi wa Shule za Msingi na Sekondari wanapatiwa Chakula mashuleni.

Hayo yamebainishwa katika kikao cha kamati ya lishe halmashauri mapema tarehe 13/08/2024 wakitathmini shughuli mbalimbali kupitia Divisheni za Elimu Awali,Msingi&Sekondari,Maendeleo ya Jamii, Kilimo,Mifugo &Uvuvi pamoja na Wadau wa Lishe wakilishwa na Chuo cha Madrasa cha Al-Madrasatul cha Masange.

Bi.Raiya Naser,kwa niaba ya Mkurugenzi Mtendaji wa Halmashauri amesema "suala la lishe ni suala endelevu na linabeba hatma ya Taifa,Mhe.Rais kwa kuliona hilo amesaini Mkataba wa utekelezaji na Wakuu wa Mikoa na Wakuu wa Mikoa wamesaini Mkataba na Wakuu wa Wilaya Mkataba wa utekelezaji wa lishe Bora kwenye maeneo yao ya Uongozi ".

Kwa kauli moja wajumbe wa kikao hicho walikubaliana kuwepo kwa Sheria ndogo za halmashauri ambazo zitasimamiwa na jamii husika wakihakikisha kuwa wazazi watakaokaidi kuchangia chakula shuleni kwa ajili ya watoto wao wanawajibishwa kwa mujibu wa sheria.

Akitilia mkazo juu ya sheria hiyo Bi.Line Chanafi ambaye ni Mkuu wa Divisheni ya Elimu Sekondari amesema lengo ni kuhakikisha wanafunzi wanapatiwa chakula kwa 100%ngazi zote za elimu(Awali hadi Sekondari)itakayosaidia kuboresha kujifunza kwa watoto,kuboresha ufaulu,kupunguza na kumaliza utoro wa rejareja mashuleni.

"Katika kuimarisha Elimu ya kujitegemea mashuleni zaidi ya Tani 6,000 za mazao mchanganyiko yamevunwa kwenye mashamba ya Shule za Sekondari ikiongeza na kuboresha wigo wa utoaji wa chakula shuleni"alisema Bi.Chanafi.

Kwa upande wake Mkuu wa Divisheni ya Kilimo,Mifugo na Uvuvi Bw.Juvenal Munishi amesema Maafisa ugani hushirikiana kwa karibu na wakuu wa shule katika kuendeleza Elimu ya kujitegemea mashuleni,wakitoa elimu stahiki ya Kilimo,Mifugo na Uvuvi ili kupata mazao na mifugo bora.

Kwa niaba ya Wadau wa Maendeleo eneo la lishe,Bw.Muadh Sungi ambaye ni mwakilishi kutoka Taasisi ya Madrasatul Ally-Badawi ya Masange alisema jamii ina kila sababu ya kupewa elimu ya lishe akitolea mfano kwenye kata yake ya Masange juu ya baadhi ya wananchi kwa kukosa uelewa juu ya umuhimu wa lishe akitaka jamii inayowazunguka kuiga mfano kutoka kwa kwao kwa kujishughulisha na ulimaji bustani za Mboga mboga na Ufugaji wa N'gombe na Mbuzi wa Maziwa kama sehemu ya Uchangiaji wa lishe kwenye jamii.

Hadi sasa ni asilimia 70 ya wanafunzi 42,075 kati ya wanafunzi 59,906 wa shule za msingi ndio wanaopata chakula,wengi wao ni madarasa ya mitihani (Darasa la 4 na 7)na kwa upande wa Sekondari wanaopata chakula ni 52.3%sawa na wanafunzi 5,396kati ya wanafunzi 10,322 wanapata huduma ya chakula shuleni.