KONDOA DC YAJA NA MKAKATI MZITO KUINUA UFAULU SHULE ZA MSINGI NA SEKONDARI

Posted on: December 3rd, 2024

Hayo yamejiri katika kikao cha tathmini ya utekelezaji wa mikakati ya kuinua taaluma na kiwango cha ufaulu shule za msingi na sekondari kwa mwaka 2024 katika ukumbi wa Mikutano wa Halmashauri uliopo Kijiji cha Bukulu.

Wajumbe wa kikao hicho wameazimia:Walimu wanaojitolea kuendelea kuajiriwa wakilipwa posho na wazazi/jamii ili kuleta ufanisi katika utendaji wao, katika kutokomeza utoro mashuleni, viongozi ngazi ya vijiji, kata na halmashauri kutumia sheria ndogo zitakazokua zimerekebishwa kwa ajili ya kudhibiti utoro mashuleni, sheria ndogo zirekebishwe ili wazazi na walezi wachangie chakula cha kutosha mashuleni katika mihula yote 2 kwa mwaka, uimarishwaji wa mahusiano baina ya viongozi wa ngazi zote, umahiri kwa walimu wa somo la hisabati mafunzo yafanyike, uwajibikaji kwa viongozi wote katika elimu, uwepo wa Mabweni (hosteli) kwa shule za sekondari  ili kutatua changamoto ya umbali jamii ikianzisha maboma n.k

Sambamba na maazimio hayo kikao hicho kimepokea tathmini ya utekelezaji wa mipango mikakati ya kuinua taaluma na kiwango ufaulu katika shule za Msingi na Sekondari 2024 Halmashauri ya Wilaya ya Kondoa kwa kushirikiana na Wadau mbalimbali na Jamii kwa ujumla ili kuboresha taaluma na kuinua kiwango cha ufaulu katika mitihani ya kitaifa ikitekelezwa na kauli mbiu isemayo "Uwajibikaji wangu ni Msingi wa kuinua Ubora wa Elimu na Ufaulu Dodoma".

Miongoni mwa mikakati iliyotekelezwa kwa mwaka wa masomo 2024: Uandikishaji wa Wanafunzi wa Awali, Darasa la kwanza na kidato cha kwanza mwaka 2024 kufikia 100%, Uwepo wa huduma ya chakula shule za msingi na sekondari, kuongeza kiwango cha ufaulu kwa mitihani na upimaji wa kitaifa kwa shule za msingi na sekondari, Utoaji motisha kwa wanafunzi, walimu na shule za msingi na sekondari zinazofanya vizuri, ushirikishaji wadau mbalimbali katika kuboresha miundombinu shule za Msingi na Sekondari n.k.