KIONGOZI MKIMBIZA MWENGE WA UHURU MWAKA 2024 AKABIDHI ZAWADI KWA WANAFUNZI WENYE MAHITAJI MAALUM

Posted on: July 2nd, 2024

Kiongozi Mkimbiza Mwenge wa Uhuru mwaka 2024 Ndg.Godfrey Mnzava pamoja na ujumbe wa Mwenge amekabidhi zawadi za kufundishia na kujifunzia kwa wanafunzi wenye mahitaji maalum shule ya Msingi Bereko.

Ndg.Mnzava ametumia nafasi hiyo kuwaasa wanafunzi hao kuweka bidii katika kujifunza ili kutimiza ndoto zao pamoja na kuitaka jamii kuwaibua watoto wenye mahitaji maalum na kuacha tabia ya kuwaficha majumbani mwao.

Awali akiwasilisha taarifa Mwl.Husna Iddi amesema kitengo hicho kilianzishwa mwaka 2016 katika shule ya msingi Bereko yenye namba za usajili EM.1001 ambacho kwa sasa kina jumla ya wanafunzi 45(wavulana 24,wasichana 21)na katika hao 45(wanaoishi bweni ni 24,wanafunzi wa kutwa 21).

Katika kuwasaidia wanafunzi wenye mahitaji maalum halmashauri na jamii wameshirikiana kwa pamoja katika kupambana na tatizo la ukatili kwa wanafunzi wenye mahitaji maalum kwa kuwajengea uzio 

wa ukuta kuzunguka kitengo kwa lengo la kuwalinda na kuhakikisha usalama wa wanafunzi.

Pia kwa kuona umuhimu,kuwajali na kuthamini kundi hili halmashauri imetoa 10% ya michango iliyochangwa na wananchi kwa ajili ya mwenge wa uhuru mwaka 2024 itumike kwa ajili ya kununua vifaa vya kufundishia na kujifunzia vyenye thamani ya Tsh Mil 2.

Mbio za Mwenge wa Uhuru mwaka 2024 zinabebwa na ujumbe usemwao "Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu".