KAMATI YA UFUATILIAJI WA MIRADI KDC YAWEKA MKAZO UKAMILISHWAJI MIRADI

Posted on: December 4th, 2025

Kamati ya Ufuatiliaji wa miradi ya Halmashauri ya wilaya ya kondoa imefanya ziara ya ukaguzi na ufuatiliaji wa maendeleo ya  ujenzi wa miradi mbalimbali Wilayani Kondoa.

Akiongoza ujumbe wa kamati hiyo Ndg.Njenjela Ali ambae pia ni Mkuu wa Kitengo cha Ukaguzi Wilaya ya Kondoa, wametembelea miradi ya ujenzi wa vyumba 16 vya  madarasa,maabara , matundu ya vyoo 57, nyumba za waalimu, ukamilishwaji wa Zahanati ya madege, kituo cha waalimu kikore, pamoja na ujenzi wa shule mpya ya Kisese Sauna.

Miradi hiyo 12 inapatikana katika maeneo ya itololo,kisese,bereko,kikore, na mnenia ambapo inaendelea na ujenzi huku mingine ikiwa hatua za mwisho za ukamilishwaji.

Aidha mwenyekiti wa Kamati ya Ufuatiliaji Ndg. Njenjela Ali amewaasa Wasimamizi wa miradi na wakandarasi kufanya kazi kwa bidii kwa kuzingatia maelekezo kutoka kitengo cha Uhandisi cha Wilaya pamoja na wataalamu wake.

" wakandarasi na mafundi mnaojenga miradi hii, hakikisheni mnakula na mpango kazi mlioutengeneza,ukabidhini kwetu kisha muufanyie kazi ipasavyo"

"Fanyeni kazi kwa haraka na kwa ubora ili miradi hii ikamilike ndani ya muda uliowekwa" aliongeza Ndg. Njenjela

Sanjari na hayo Ndg. Njenjela amewahimiza mafundi na kamati za ujenzi wa miradi hiyo kujenga tabia ya kutoa ripoti ya maendeleo ya ujenzi wa miradi kwa Kamati ya Ufuatiliaji ya Wilaya kwa ajili mapitio na utatuzi wa changamoto mbalimbali.