Halmashauri ya Wilaya ya Kondoa Wazindua Utoaji Vyeti vya Kuzaliwa kwa Watoto Chini ya Miaka Mitano

Posted on: March 15th, 2019

Zoezi la usajili na utoaji wa vyeti vya kuzaliwa kwa watoto wa umri chini ya miaka mitano lazinduliwa katika Halmashauri ya Wilaya ya Kondoa kata ya mnenia kijiji cha itundwi ,ambapo mgeni rasmi akiwa mwenyekiti wa halmashauri mhe. Gaspar mwenda.

Mkurugenzi wa Halmashauri ya Wilaya ya Kondoa Ndg. Mustapha Semwaiko Yussuf wakati akimkaribisha Mgeni Rasmi,aliwasihi wananchi wote wenye watoto wa umri  chhini ya miaka mitano kutumia fursa hii ya kuwa na vyeti vya kuzaliwa watoto bila gharama yoyote ili kuwaepushia usumbufu wa kuvipata kipindi wakivihitaji.

Mkurugenzi Mtendaji Halmashauri ya wilaya ya Kondoa akiongea na wananchi wa kijiji cha Itundwi

Wakati akitoa hotuba ,mgeni rasmi aliwakumbusha wananchi wa Halmashauri ya wilaya ya kondoa juu ya umuhimu wa mtoto kuwa na cheti cha kuzaliwa kwani kinatumika kama utambulisho wa kwanza wa mtoto,lakini pia ni muhimu kwa mtoto kipindi akihitaji huduma ya elimu katika ngazi zote.zaidi ya yote Cheti cha kuzaliwa ni haki ya mototo.

Mgeni Rasmi mhe.Gaspar mwenda(Mwenyekiti wa Halmashauri) akitoa hotuba wakati wa uzinduzi.

Zoezi hili limetanguliwa na mafunzo kwa maafisa usajili wasaidizi mia moja ishirini na tatu(123) kutoka kata zote ndani ya Halmashauri na huduma zinatolewa katika vituo vya usajili ambavyo ni ofisi za watendaji wa kata na vituo vya kutolea huduma za tiba(zahanati,vituo vya afya na Hospitali) ambapo jumla ya zaidi ya watoto 33000 wanatarajiwa kusajili ndani ya wiki mbili.

Picha ya pamoja kati ya Mkurugenzi mtendaji(W) Ndg. Mustapha Semwaiko Yussuf(wa pili toka kushoto chini) na wasajili wasaidizi pamoja na wawezeshaji wa mafunzo

Ili mtoto aweze sajiliwa na kupatiwa cheti cha kuzaliwa,mama na/au baba wanapaswa kufika na kadi ya kliniki na tangazo la kizazi. Iwapo mzazi hatakuwa na vyote viwili,basi atapaswa kufika na barua ya utambulisho toka kwa mtendaji wa kijiji.

Awali wawakilishi toka wakala wa usajili ufilisi na udhamini(RITA) walifafanua lengo la Serikali ya awamu ya tano ya kuhakikisha watoto wote chini ya miaka mitano wanapatiwa  vyeti vya kuzaliwa bure litakuwa ni endelevu ambapo kwa kuanza katika halmashauri usajili wa watoto thelathini na tatu elfu utafanyika.

Wasajili toka RITA wakiwasalimia wananchi na kusisitiza jambo wakati wa uzinduzi eneo la Itundwi kata ya Mnenia.

Mwenyekiti alizindua zoezi kwa kutoa vyeti vya kuzaliwa kwa baadhi ya watoto na wazazi waliofika kupata huduma.