DIVISHENI YA MIUNDOMBINU KONDOA DC YAKABIDHIWA GARI JIPYA KWA AJILI YA UFUATILIAJI MIRADI

Posted on: January 6th, 2025

Mkurugenzi Mtendaji wa Halmashauri ya Wilaya ya Kondoa Ndg.Shaban Millao mapema Januari 2, 2025 amekabidhi Gari Mpya aina ya Land cruiser Hardtop lenye thamani ya Tsh Mil 226 kwa Divisheni ya Miundombinu itakayotumika katika shughuli za ufuatiliaji na Usimamizi wa miradi ya maendeleo inayokelezwa ndani ya Halmashauri ya Wilaya ya Kondoa

Ndg.Millao ameielekeza Divisheni ya Miundombinu kuhakikisha inatunza na kulitumia vyema Gari hilo katika shughuli zote za  ukaguzi wa miradi mbalimbali kwa wakati  inayotekelezwa katika Halmashauri ili kuendana na kasi ya Mhe.Rais Dkt.Samia Suluhu Hassan katika utekelezaji wa majukumu yake.

Ndg.Millao ameongeza akisisitiza "Ununuzi wa Gari hili umetokana na fedha zilizoletwa na Serikali Kuu ili kuziwezesha Halmashauri kutimiza malengo kusudiwa, hivyo ikawe chachu kwenye ufuatiliaji na usimamizi wa miradi yote inayotekelezwa kwa ubora unaotakiwa".

"Kununuliwa kwa gari hili kutaongeza kasi kubwa ya ufatiliaji wa miradi mbalimbali ya Maendeleo katika halmashauri ya wilaya ya kondoa ikiwarahisishia Maafisa Waandisi kufanya kazi zao kwa ufanisi zaidi ikiendana sambamba na kauli mbiu isemayo "Kondoa DC hatuna jambo dogo, Tukutane Saiti".amesema  Ndg.Millao

Aidha ameongeza kuwa pamoja na shughuli za miradi ya maendeleo pia Idara nyingine zitaweza kulitumia ili kutoa huduma nzuri kwa wananchi. Amemshukuru Mhe. Rais Dr. Samia Suluhu Hassan kwa kutoa gari hilo na amemuahidi kutekeleza majukumu yake kwa wakati na kwa ubora.

Naye Mhandisi wa Halmashauri Eng. John Chizima amemshukuru Mkurugenzi kwa kuona umuhimu wa Idara yake kuwa na chombo cha usafiri amemuahidi Mkurugenzi kusimamia miradi kwa uharaka na miradi itakuwa bora inayoakisi thamani ya fedha na pia ameahidi kulitunza gari hilo.