"DHAMANA YA KUTOA KITAMBULISHO MMEPEWA NINYI MKATUMIE LUGHA NZURI KWA WAPIGA KURA "MKURUGENZI IDARA YA UFATILIAJI INEC

Posted on: December 11th, 2024

Hayo yamesema na Mkurugenzi wa Idara ya  Mipango,Ufatiliaji na Tathmini kutoka Tume Huru ya Taifa ya Uchaguzi Ndg.Juma Rahis akizungumza na Waandishi Wasaidizi na Waendesha Vifaa vya Biometriki Halmashauri ya Wilaya ya Kondoa katika Mafunzo kwa siku ya pili akiwataka kutumia dhamana waliopewa katika zoezi la Uandikishaji na Uboreshaji wa Daftari la kudumu la Wapiga kura kutumia lugha nzuri kwa wapiga kura pindi wanapokuja kujiandikisha.

"Dhamana ya kutoa kitambulisho mmepewa ninyi,mkatumie lugha nzuri kwa wapiga kura na kuzingatia weledi wa mafunzo mliyoyapata"amesema Ndg.Rahis

Kwa upande wake Afisa Mwandikishaji Jimbo la Kondoa Ndg.Peter Ngomuo ameipongeza timu ya wataalam kutoka Tume Huru ya Taifa ya Uchaguzi kwa ushirikiano waliouonyesha katika kipindi chote cha mafunzo kwa waandishi wasaidizi na waendesha vifaa vya biometriki akiamini mafunzo waliyoyapata yatasaidia kufanikisha zoezi zima kwa uadilifu na weledi.

Zoezi hili kwa mkoa wa Dodoma linafanyika katika halmashauri za Wilaya ya Kondoa, Chemba na Kondoa Mji ikiwa imebaki siku moja kuanza zoezi la uandikishaji kuanzia siku ya tarehe 11 hadi 17 mwezi huu Disemba 2024.