DC NYANGASA ATAKA KASI KUONGEZEKA MIRADI YA KONDOA DC

Posted on: September 17th, 2025

Mkuu wa Wilaya ya Kondoa Mhe.Fatma Nyangasa amewataka wasimamizi wa miradi iliyopo ndani ya Halmashauri ya Kondoa, ambayo ni Ujenzi wa Kantini iliyopo ndani ya Makao Mkuu ya Halmashauri, umaliziaji wa majengo ya Hospitali ya Wilaya Bukulu pamoja na Vyumba vya madarasa ya shule ya Sekondari Mnenia.

Mhe.Nyangassa ameendelea kusisitiza kuwa lengo ya Serikali kuleta miradi hiyo ni kuhakikisha kuwa inasogeza huduma karibu katika jamii hivyo waliopewa dhamana ya usimamizi washirikiane na Wahandisi kuhakikisha kazi inafanyika usiku na mchana ili miradi ikamilike kwa wakati.

Aidha kwa upande wake Mkurugenzi Mtendaji wa Halmashauri ya Wilaya ya Kondoa Ndg.Shaban Millao amesema kuwa ameyapokea maagizo hayo na kuahidi kukamilisha kama alivyoagiza na kwa yeyote ambaye hatokamilisha maagizo yaliyotolewa na Mkuu wa Wilaya basi hatua kali itachukuliwa dhidi yake.

Maagizo hayo yametolewa Septemba 15, 2025 wakati wa ziara ya Mkuu wa Wilaya katika Halmashauri ya Kondoa wakati akikagua Miradi ya Maendeleo.