Chanjo ya Kuzuia Saratani ya Mlango wa kizazi kutolewa Wilaya ya Kondoa.

Posted on: May 9th, 2018

Uzinduzi wa Kutolewa kwa chanjo ya mlango wa kizazi kwa wasichana wa miaka 14 umefanyika leo tarehe

08/05/2018 katika Wilaya ya Kondoa Mgeni Rasmi akiwa Mhe. Winnie Kijazi Katibu Tawala wa Wilaya ya

Kondoa akimuwakilisha Mkuu wa Wilaya ya Kondoa Mhe.Sezaria Veneranda Makota ambaye ndiye Mwenyekiti

wa Kamati ya Afya ya Msingi ya Wilaya,Katibu wake akiwa Mganga Mkuu wa Halmashauri ya Mji Kondoa na

 Halmashauri ya Wilaya ya Kondoa kwani Uzinduzi huu umejumuisha Halmashauri zote mbili ndani ya Wilaya moja

ya Kondoa.

Wajumbe wengine ni Wakurugenzi wa Halmashauri zote mbili halmashauri ya Wilaya na Mji wa Kondoa,pia Wakuu wa

Idara ya Elimu Msingi na Sekondari kutoka halmashauri zote,Wakuu wa idara ya Mipango,maendeleo ya Jamii na Utumishi.

Wengine ni Viongozi wa Dini pamoja na Wageni Maarufu.

Katika Uzinduzi huo,Mganga Mkuu wa Halmashauri ya Wilaya kwa kusirikiana wa Timu iliyopata mafunzo walielezea kwa

kina juu ya chanjo hii ya Human Papilloma Virus(HPV) inayozuia kansa ya mlango wa Kizazi.Wajumbe walipata nafasi ya

kuuliza maswali ili kupata ufafanuzi juu ya madhara yanayoweza kujitokeza.Mganga Mkuu amewathibitishia kwamba chanjo hii

ni salama na haina madhara yoyote kwa watumiaji isipokuwa inafanya kazi tu iwapo mtumiaji atakuwa hajaathirika na ugonjwa

huu.

Mikakati ya pamoja imepangwa ili kuhakikisha jamii wanapata elimu ya kutosha na kuhamasisha kuwaruhusu watoto wao wa kike

wa miaka 14 wanapata chanjo hii kwa manufaa ya Afya zao.

Watu maarufu viongozi w dini pamoja na wajumbe wengine wamethibitisha kuunga mkono utoaji wa Chanjo hii na wako tayari kuhamasisha

Jamii kuwezesha wasichana wote wa miaka 14 wanapata chanjo hii.Katibu Tawala pia amethibitisha kwamba ofisi ya Mkuu wa Wilaya kwa

 pamoja watashiriki kuhakikisha zoezi linafanikiwa.