ZIARA YA MKUU WA MKOA WILAYANI KONDOA

Posted on: January 29th, 2022

Mkuu wa mkoa wa Dodoma Mh.Antony Mtaka akiwa na jopo la wataalam  mbali mbali kutoka mkoani,  jana alitembelea halmashauri ya wilaya ya Kondoa yaliko makao makuu ya halmashauri katika kijiji cha Bukulu kilichoko kwenye kata ya Soera .Katika msafara huo mkuu wa mkoa aliambatana na katibu tawala mkoa Dr. Fatuma  Mganga pia na timu ya  wataalam mbalimbali kutoka mkoani hii ikiwa ni miongoni mwa ziara zake za kukagua shughuli za maendeleo pia kukagua miradi mbali mbali inayotekelezwa na Serikali  pia kwa upande wa halmashauri Mh mkuu wa wilaya Dr Mkanachi akiwa na kamati ya ulinzi na usalama aliongoza timu ya wakuu waidara na vitengo katika mapokezi hayo.Katika ziara hiyo mkuu wa mkoa alipokea taarifa ya ujenzi wa  hospital hiyo ambapo ujenzi huo uko katika hatua mbalimbali kama ilivyo somwa na afisa mipango wa wilaya ikiwa nia pamoja na majengo ya maabara na POD yako katiaka hatua za umaliziaji sawa na silimia 98 pia jengo la mionzi na jengo litakalotumika kwa shughuli za kufua yako katika hatua ya kupiga plasta sawa na asilimia 60 na majengo ya utawala na pharmacy yenyewe yako kwenye hatua ya kufunga renta sawa na asilimia 50 na la mwisho ni jengo la mama na mtoto ambalo ujenzi wake uko katika hatua za awali kutoka kwenye msingi.

    Baada ya kupokea taarifa hiyo Mh mkuu wa mkoa aliagiza shughuli zilizobaki katika kumalizia ujenzi huo zitafanyika kwa ushirikiano na wataalam kutoka katika ofisi ya mkuu wa mkoa  ambapo Eng.Mgalula na Bi Aziza Mumba walikabidhiwa kazi  hiyo ya kusimamia ujenzi wakishirikiana na timu ya usimamizi  ya halmashauri ili kazi hii ikamilike katika mda ambao utawekwa baada ya kikao cha pamoja ambacho kitafanyika siku ya jumanne ya tarehe 1/02/2022.

Katika ziara hiyo pia mkuu wa mkoa alipata nafasi ya kuongea na wanafunzi wa shule ya sekondari ya Bukulu ambapo alipata taarifa ya matokeo ya kidato cha nne na kuagiza kua juhudi za ziada zinatakiwa katika kuhakikisha tunainua kiwango cha ufaulu siyo kwa shule hii tuu bali kwa wilaya nzima nakuagiza kua eneo la shule pamoja na eneo la hospitali yatengwe maeneo kwa ajili ya  upandaji wa miti ya matunda na kuweka msisitizo katika jambo hili.

Nakatika hatua nyingine mkuu wa mkoa alipata fursa ya kukata utepe kuashiria ufunguzi wa kisima cha maji ambacho kimechimbwa kwenye eneo la hospital kwa  ufadhili wa watu wa Uturuki chenye thamani ya fedha za kitanzania takribani milioni 34.

                                                                               Katika picha ni mkuu wa mkoa akikata utepe kuashiria ufunguzi wa kisima cha maji kilichochimbwa kwa ufadhili wa kutoka nchini Uturuki.