WITO UMETOLEWA KWA JAMII KUPINGA UKATILI WA KIJINSIA HALMASHAURI YA WILAYA YA KONDOA

Posted on: December 6th, 2023

Halmashauri ya Wilaya ya Kondoa kupitia Divisheni ya Maendeleo ya Jamii,Jinsia Wazee na Watoto imeendelea kuadhimisha Kampeni ya siku 16 za kupinga Ukatili wa Kijinsia baada ya kuzinduliwa na Waziri wa  Maendeleo ya Jamii ,Jinsia Wanawake na Makundi Maalum Dkt. Dorothy Gwajima tarehe 25/11/2023 Ukumbi wa mikutano JNICC Dares es salaam ukiwa na U   jumbe maalum wa ‘’Wekeza ,Kupinga Ukatili wa Kijinsia’’.

Kata ya Haubi, Soera na Bereko ni miongoni mwa kata zilizofikiwa na Kampeni hiyo ya kupinga Ukatili wa kijinsia kupitia Maafisa Maendeleo na Ustawi wa Jamii kwa kutoa Elimu kwa jamii juu ya aina za Ukatili wa kijinsia ,Madhara yake pamoja na namna ya kuepukana na Ukatili wa kijinsia.

Wanafunzi wa Shule za Msingi na Sekondari pamoja Wananchi wa kata hizo wamenufaika na Elimu ya aina za Ukatili zikiwemo Ukatili wa Kingono(Ubakaji na Ulawiti),Ukatili wa Kiuchumi(Shughuli za Kiuchumi kumnufaisha upande wa ME),Ukatili wa Kisaikolojia(Matumizi mabaya ya lugha) pamoja na Ukatili wa Kijinsia (Ukeketaji) kwa kuaswa kushiriki katika Utoaji wa taarifa kwa Vyombo vya Ulinzi na Usalama na kwa Walimu hasa kwa upande wa Wanafunzi pindi wanaposikia ama kutaka kufanyiwa.

Kwa mujib wa Wizara ya Maendeleo ya Jamii ,Jinsia Wanawake na Mak undi Maalum Vitendo vya Ukatili wa kijinsia hususa kwa Wanawake ,Watoto na Watu wenye Ulemavu vinaigharimu Jamii na Taifa kwa ujumla ,Takwimu za Shirika la Umoja wa Mataifa linaloshughulikia masuala ya Wanawake (UN Women) zinaonyesha wazi kuwa ,Vitendo vya Ukatili dhidi ya Wanawake hugharimu 2%ya Uchumi wa Dunia ,hali kadhalika Ripoti  ya Benki ya Dunia inaonyesha kuwa baadhi ya Nchi hutumia hadi 3.5 %ya Pato Ghafi la ndani kushughulikia Masuala ya Ukatili wa Kijinsia.