WAZIRI BASHUNGWA AITEMBELEA KONDOA

Posted on: December 3rd, 2023

DARAJA LA MTO BUBU KUJENGWA NA SERIKALI YA SAMIA

Waziri wa Ujenzi Mh.Innocent Bashungwa (Mb) amefanya ziara yake Wilayani Kondoa tarehe 03/12/2023 kwaajili ya kukagua Miundombinu ya Barabara na Madaraja na kupokelewa Ofisi ya CCM Wilaya na wenyeji wake wakiwemo Wabunge wa Jimbo la Kondoa na Kondoa Mji Mh Dkt Ashatu Kijaji,Mh.Ally Makoa pamoja na Viongozi wa Chama na Serikali ngazi ya Wilaya .

Mh.Bashungwa ametembelea lilipokuwa Daraja la Mto Bubu linalounganisha Wilaya ya Kondoa na Mkoa wa Manyara kupitia Wilaya ya Hanang (Kateshi) na kujionea Athari za Mvua zinavyochangia kudumaza Uchumi wa mikoa yote miwili zilizosababisha kukatika kwa Daraja hilo na kuwalazimu Wasafiri wapitapo njia hiyo kusubiri maji ya mvua kupungua ili waweze kuvuka kwenda upande wa pili nyakati za Msimu wa Mvua .

Kwa niaba ya Madiwani Diwani wa kata ya Serya(Mji) ambaye kata yake iko karibu na barabara inayovuka mto huo amesema usalama umekua mdogo inapofika kipindi cha mvua kwa kuchangia kushuka kwa Uchumi akitolea mifano ya kukwama kwa Vyombo vya Usafirishaji Abiria na Mizigo na kufa kwa Mama mjamzito alie jifungulia njiani

Kwa upande wa Wabunge wote wawili Mh.Dkt Ashatu Kijaji (Waziri wa Viwanda na Biashara pamoja na Mh.Ally Makoa wamemwelezea Mh.Bashungwa athari za Kiuchumi  zikiwemo ufifishwaji wa shughuli za kitalii Hifadhi ya Swagaswaga ,Ujenzi wa Bomba la Mafuta , Usafirishaji wa Mazao ya Biashara na pamoja ucheleweshaji wa Wananchi kufikia huduma za  Afya Hospitali ya Mji .

Akihitimisha ziara yake Mh.Bashungwa katika Daraja la Mto Bubu amesema amepokea maelekezo kutoka kwa Raisi Dkt Samia Suluhu juu ya Ufanyaji Usanifu wa Ujenzi wa Daraja hilo baada ya Wizara hiyo kutengewa fedha za Upembuzi yakinifu  pindi litakapojengwa na kuwaahidi Wananchi wa Wilaya ya Kondoa daraja hilo kuingizwa kwenye Bajeti zinazoendelea baada ya kupatikana fedha za usanifu katika bajeti ya 2023/2024.

Vivyohivyo Mh.Bashungwa akatumia fursa hiyo kupongeza jitihada za Wabunge hao kuwapambania Wananchi wa Wilaya ya Kondoa kwa Rais wa Jamhuri ya Muungano wa Tanzania Dkt.Samia kuwaletea Miradi mbalimbali ya Maendeleo.