VIONGOZI WA WILAYA YA KONDOA WAPIGWA MSASA KUHUSU STAKAKABADHI GHALANI.

Posted on: February 14th, 2025

Timu ya Viongozi Kondoa ikiongozwa na Mkuu wa Wilaya ya Kondoa Mhe. Fatma Nyangasa, Wakurugenzi wake Ndg. Shabani Millao (Kondoa DC) na Ndg.Said Majaliwa(Kondoa TC) pamoja na Waheshimiwa Madiwani wa Halmashauri hizo wamefika katika Halmashauri ya Wilaya ya Masasi kujionea namna mfumo wa Stakabadhi Ghalani unavyofanya kazi na kujipatia mapato makubwa kwa mwaka huku jamii ikifaidika na mfumo huo.

Akifafanua namna mfumo huo unavyofanya kazi Mkurugenzi Mtendaji wa Halmashauri ya Masasi Ndg.Alphaxard Etanga ameeleza kuwa mfumo huo ni mzuri na una manufaa makubwa kwa jamii na unakabiliwa na upinzani kwa Baadhi ya watu lakini inahitajika nguvu ya ziada kuufanikisha ili kukabiliana na wanaopinga mfumo huo ili mkulima apate faida  sambamba na Halmashauri kukusanyia Mapato kwa urahisi.

Kwa upande wa Afisa Ushirika Ndg.Ahmadi Selemani Issa ameeleza kuwa kwa wilaya yoyote ile inayotaka kufanikiwa katika mfumo huu ni lazima kuwepo kwa Ushirika wa mazao ya Kilimo na Masoko (AMCOS).

Ndg.Ahmadi ameendelea kwa kutoa elimu na kusema kuwa" kupitia AMCOS wakulima wanaepushwa na udanganyifu wa wafanyabiashara wanaotaka kujitajirisha kupitia mazao yao lakini pia wanaepushwa na matapeli waliokuwa wakichukua fedha zao kwani hapo awali mkulima alikuwa akilipwa fedha zake mkononi Jambo ambalo ni hatari.Mfumo huu umeboresha zaidi na kufanya malipo kwa njia za kieretroniki ili kuhakikisha kila Mdau anapata malipo yake kwa usalama na kwa haraka".

Akipokea mafunzo hayo Mhe.Fatma Nyangasa ameeleza kuwa sasa ni kwenda kutimiza yale waliojifunza kwa nguvu zote kwani uwepo wa madiwani katika mafunzo hayo ni chachu ya kufanikisha mfumo huo kwani wao pia watahusika kutoa elimu kwa wananchi wao.

Naye Mkurugenzi Mtendaji wa Halmshauri ya (W)Kondoa Ndg.Shabani Millao amesema kuwa amefurahishwa na mafunzo hayo huku akiahidi utekelezaji wa kina kuanzia ngazi ya kijiji mpaka wilaya kwani lengo ni kutimiza ahadi ya Rais, Mhe.Dkt Samia Suluhu Hassan kwa kumfanya mkulima kula jasho lake pasipo tabu yeyote ile.

Ameendelea kwa kusema kwamba elimu itakwenda kutolewa kwa kijiji kwa kijiji, Mtaa kwa Mtaa mpaka kitaeleweka kwani lengo ni moja kuinua uchumi wa Wananchi wa Kondoa kwenda mbele zaidi.

Sambamba na hayo Mwenyekiti wa CCM Wilaya Kondoa Bi.Hijja Suru, Katibu wa Wilaya Bwn.Hanzuruni Mtebwa pamoja na Katibu Mwenezi wa CCM Wilaya Bwn. Kimoro wamesema kuwa sasa kazi itakwenda kufanyika kwani kwa kufanya hivyo ni kutekeleza ilani ya Chama Cha Mapinduzi.

Hayo yamefanyika Februari 12, 2025 katika Wilaya ya Masasi Mkoani Mtwara.