RAS DODOMA ATETA NA WATUMISHI KONDOA DC

Posted on: March 28th, 2024

Katibu Tawala Mkoa wa Dodoma Ndg.Kaspa Kaspa Mmuya amefanya ziara ya kikazi kukagua miradi ya maendeleo inayotekelezwa katika Halmashauri ya Wilaya ya Kondoa, hii inafuatia uteuzi wa Ndg.Kaspa Kaspa Mmuya kuteuliwa na Mh.Dkt Samia Suluhu Hassan Rais wa Jamhuri ya Muungano wa Tanzania hivi karibuni.

Ndg. Mmuya amekutana na kufanya mazungumzo na baadhi ya Watumishi wa Halmashauri katika Ukumbi wa Mikutano ,Jengo la Utawala wakiwemo Wakuu wa Divisheni ,Vitengo,Watendaji wa kata na Vijiji pamoja na Watumishi wa Makao Makuu ya Halmashauri.

Ndg.Mmuya ametumia nafasi hiyo kuwapongeza watumishi kwa kazi kubwa wanayoifanya katika utatuzi wa changamoto zinazowakumba wananchi wakiongozwa na kauli mbiu isemayo’’ KERO YAKO, WAJIBU WANGU’’.

Ndg. Mmuya katika kikao  hicho na watumishi amegusia mambo mbalimbali ikiwemo uimarishaji wa nguvu ya ukusanyaji wa mapato ya ndani,uwajibikaji wa kimkakati kwa kuonyesha mfano kwa kuhusika katika shughuli za maendeleo,usimamizi mzuri wa shughuli za maendeleo,uhimizaji wa kilimo cha zao la kimkakati la Alizeti,Utendaji haki ,Ufaulu kwa Wanafunzi kupitia ufatiliaji makini kwa mahudhurio ya wanafunzi kwa kuzingatia ushirikiano baina ya wanafunzi ,walimu na wazazi ,dhana ya mahusiano baina ya watumishi iwe nguzo kwa kuimarisha nguvu kazi.

Akifafanua majukumu hayo Ndg.Mmuya alisisitiza ufanyaji wa vikao vya kisheria ambapo kero mbalimbali kutoka chini zinakusanywa na kufikishwa kunakohusika.

Sambamba na hayo Ndg.Mmuya alipata wasaa wa kukagua na kupokea taarifa za miradi ya maendeleo ikiwemo Jengo la Utawala,Nyumba ya Mkurugenzi pamoja na Majengo ya hospitali ya Wilaya akiambatana na timu ya wataalam kutoka Mkoani na Wilayani.

Kwa niaba ya watumishi wa halmashauri Mkurugenzi Mtendaji Ndg.Shaban Millao ametumia nafasi hiyo kumpongeza katibu tawala kwa kuteliwa na Mh.Rais na kuhaidi kuyafanyia kazi maelekezo aliyoyatoa.