MKURUGENZI MTENDAJI APOKEA KERO ZA WANANCHI KATA YA HAUBI

Posted on: December 5th, 2023

Mkurugenzi Mtendaji wa Halmashauri ya Wilaya ya Kondoa Ndg.Shaban Millao ametembelea kata ya Haubi kijiji cha Ntomoko kama sehemu ya utaratibu wake wa kupokea na kuzijibu kero mbalimbali za Wananchi akiambatana na wakuu wa Divisheni na Vitengo vya Halmashauri.

Baadhi ya changamoto zilizowasilishwa na Wananchi wa Ntomoko ni kero ya Maji ,Huduma ya Afya hasa kwa mama na mtoto ,Umeme,Uendeshaji wa Sekondari Mpya ya Ntomoko ,Upatikanaji wa Chakula Shuleni  pamoja na Barabara inayoingia Shuleni.

Ndg.Millao akijibu changamoto hizo aliahidi kuziwasilisha baadhi ya changamoto kwa Mamlaka husika zikiwemo TARURA, TANESCO na RUWASA ili zipatiwe Ufumbuzi.

Ndg,millao alitmia nafasi hiyo kutoa taarifa ya Maendeleo ya Shule mpya ya Sekondari Ntomoko iliyogharimu TSH Mil 530 kuwa kwa sasa imeshasajiliwa kwa usajili Na.S. 6422 na itaanza kupokea wanafunzi wa kidato cha kwanza mwaka 2024 mwezi Januari wakiwemo wanafunzi waliohitimu na kufaulu Elimu ya Msingi Shule ya Msingi Ntomoko iliyojirani na Shule hiyo Mpya ya Sekondari na Wanafunzi wengine kuhamia ili kupunguza umbali wa Elimu ya Sekondari.

Sambamba na hilo katika ziara yake ya kusikiliza kero zawananchi kijiji cha ntomoko mkurugenzi Millao ,Wakuu wa Diviseheni ,Vitengo pamoja na Wananchi wa Kijiji cha Ntomoko walishiriki kwa pamoja katika zoezi la Upandaji Miti na Usafi wa Mazingira katika Mandhari ya Shule hiyo Mpya ya Sekondari.