MKURUGENZI MILLAO ATETA NA WANAFUNZI KIDATO CHA KWANZA -2024

Posted on: January 11th, 2024

MKURUGENZI MILLAO ATETA NA WANAFUNZI KIDATO CHA KWANZA 2024.

Mkurugenzi Mtendaji wa Halmashauri ya Wilaya ya Kondoa Ndg Shabani Millao amekutana na baadhi ya wanafunzi wa kidato cha kwanza wa mwaka wa masomo 2024 alipotembelea baadhi ya shule za sekondari ikiwemo Loo(Kata ya Kalamba ) na Ntomoko(Kata ya Haubi) kujionea maendeleo ya shule hizo na kupokea changamoto za walimu wake.

Ndg. Millao amewaasa wanafunzi hao kuzingatia ratiba za masomo wanapokuwa  shuleni na nyumbani pamoja na kuwasaidia wazazi baadhi ya kazi pindi wawapo majumbani mwao.

Akiwa katika shule hizo amewasisitiza wanafunzi hao kuwahimiza wanafunzi wenzao kuripoti shuleni bila gharama zozote maana serikali ya awamu ya 6 imegharamia Ada kwa ajili ya wanafunzi wa kidato cha kwanza hadi sita.

Ndg Millao ameahidi kufikisha salamu za shukrani na pongezi kwa Mh.Rais Dkt Samia Suluhu kwa kuboresha sekta ya Elimu nchini kupitia Miradi ya shule za sekondari ikiwemo kukamilika kwa ujenzi wa shule ya sekondari Ntomoko yenye thamani ya Tsh Mil 544+ na kuanza kutoa huduma ya masomo kwa wanafunzi wa kidato cha kwanza 2024 kata ya Haubi.

Ndg. Millao kwa nyakati nyingine alizungumza na walimu wa shule hizo akiwahimiza kufanya kazi kwa bidii ili kuongeza kasi ya Ufaulu na akatumia nafasi hiyo kuwapongeza walimu wa shule ya sekondari loo kwa shule yao kufikisha ufaulu wa asilimia 97.4 matokeo ya kidato cha pili mwaka 2023 pamoja na kupokea changamoto za watumishi hao.

Pia katika hatua nyingine Ndg. Millao alitembelea Zahanati ya Loo kujionea shughuli za kitabibu zinazifanyika pamoja na kupokea changamoto ya watumishi wa zahanati hiyo.