MKURUGENZI MILLAO AKABIDHI VITENDEA KAZI KWA MAAFISA UGANI NA WATENDAJI KONDOA DC

Posted on: September 6th, 2024

Mkurugenzi Mtendaji wa Halmashauri ya Wilaya ya Kondoa Ndg.Shaban Millao amekabidhi vitendea Kazi kwa Maafisa Ugani na Watendeji vikiwemo Pikipiki,Vishikwambi na Sare za Kilimo (Overall)  ili kuongeza ufanisi kwa wataalam hao kwenye majukumu yao.

Akikabidhi vitendea kazi hivyo Ndg.Millao amewataka wataalam hao kuvitumia vitendea kazi hivyo ipasavyo ili kusikiliza na  kutatua kero za wananchi (Watendeji waliokabidhiwa Pikipiki)na Matumizi lengwa ya Vishikwambi kuwasaidia wakulima kulima Kilimo chenye Tija (Maafisa Ugani waliokabidhiwa Vishikwambi na Sare).

"Serikali ina malengo makubwa kwa Mkulima kwa kuhakikisha analima kwa tija ili kuchangia Maendeleo yake binafsi na Maendeleo ya nchi kwa ujumla. "Mh.Rais wetu Dkt Samia Suluhu Hassan ameweka matumaini makubwa kwenye Kilimo kwa kuongeza bajeti ya Kilimo kutoka Bilion 200-300 kwa mwaka kabla ya mwaka 2021 hadi kufikia zaidi ya Tshs Trilioni 1.2 ikiwa ni mara nne zaidi ili kumsaidia mkulima kulima kilimo chenye tija kitakachochangia pato la Taifa."amesema Ndg.Millao.

Ndg.Millao amesema Injini ya Halmashauri ni Kilimo, kupitia Matumizi ya Vishikwambi hivyo usajili wa wakulima ufanyike ili kusaidia kupata takwimu sahihi, kushirikiana vyema na viongozi wa serikali kumsaidia ili mkulima na wananchi wa vijiji husika wakanufaike na Kilimo chako hasa kwenye skimu za umwagiliaji.

Sambamba na hayo Ndg.Millao amewaagiza Maafisa Ugani kusimamia vyema mfumo wa Stakabadhi ghalani kupitia mazao ya Mbaazi na Dengu, kwa kutoa Elimu ya kutosha kwa wakulima juu ya umuhimu wa mfumo huo wenye lengo la kumsaidia mkulima kuuza mazao yake kwa bei nzuri pia amewasihi wakulima wenyewe ndiyo wajitahidi kupeleka mazao yao na sio kuwauzia madalali.

Kwa upande wake Mkuu wa Divisheni ya Kilimo, Mifugo na Uvuvi Ndg.Juvenal Munishi amesema serikali kupitia wizara ya Kilimo imekabidhi Vishikwambi 23 na Sare 23 Kati ya 59 vinavyotakiwa, ikiwa ni awamu ya Kwanza kwa Maafisa Ugani wa Halmashauri ya Wilaya Kondoa. Vishikwambi hivyo vitakavyotumika kupima ukubwa wa maeneo ya Kilimo, kuchukua Sampuli za Udongo n.k ili kumsaidia mkulima kufuata Kanuni bora za uwekezaji kwenye Kilimo.

Pia kwa upande wa Mkuu wa Divisheni ya Utawala na Rasilimali watu Ndg.Peter Ngomuo amesema Serikali imekabidhi Pikipiki 3 kwa Watendaji wa 3 wa Kata Kata za Mnenia,Kalamba na Kisese zitakazosadia Watendeji wa Kata husika kuwafikia wananchi kwa urahisi ili kusikiliza na kutatua kero zao. Idadi hii imefanya jumla ya Pikipiki tisa kwani awali Serikali ilishatoa Pikipiki sita. Pia Halmashauri imepanga kununua Pikipiki tano kwa bajeti ya mwaka huu wa fedha kutoka katika fedha za ufuatiliaji.

Pia katika hafla ya makabidhiano ya vitendea kazi hivyo watumishi wapya walioajiriwa Mwezi Julai mwaka huu 2024 katika Divisheni ya Kilimo, Mifugo na Uvuvi wapatao 16 walitambulishwa ambao watumishi 5 ni kada ya Mifugo na watumishi 11 ni kada ya kilimo.