MKURUGENZI MILLAO AFANYA UKAGUZI WA MIRADI KATA ZA MNENIA NA MASANGE-KONDOA DC

Posted on: July 11th, 2024

Mkurugenzi Mtendaji wa Halmashauri ya Wilaya ya Kondoa Ndg.Shaban Millao pamoja na baadhi ya Wataalam wamefanya ukaguzi wa utekelezaji wa miradi ya maendeleo kata za Mnenia na Masange.

Ndg.Millao katika ziara yake amefanikiwa, kukagua mradi wa ujenzi wa vyoo matundu 5 (03 ya Wagonjwa na 02 ya Watumishi), sehemu ya kunawia mikono, mnara wa tanki la maji pamoja na kichomea taka, mradi wenye thamani ya TSh Mil.50 katika Zahanati ya Itundwi kata ya Mnenia.

Akiwa katika mradi huo Ndg.Millao, ameielekeza kamati ya  mradi kusimamia kwa weledi ujenzi wa mradi huo kwa kushirikiana vyema ili mradi ukamilike kwa wakati na kwa ubora unaoendana na thamani halisi ya fedha.

Akihitimisha ziara yake ya ukaguzi wa utekelezaji wa miradi ya maendeleo Ndg.Millao, amekagua mradi wa ujenzi wa vyumba 2 vya madarasa katika Sekondari ya Masange wenye thamani yaTsh Mil.46 kutoka Serikali kuu na kuzungumza na Walimu wa Shule hiyo dhidi ya mwenendo wa maendeleo ya taaluma kwa wanafunzi pamoja na masuala yanayowahusu walimu wa shule hiyo.

Pamoja na kuambatana na Wataalam kutoka Halmashauri, Ndg.Millao amepokelewa na wenyeji wake katika kata zote mbili ambao ni Viongozi wa Chama na Serikali ngazi ya kata & Kijiji, Mganga Mfawidhi Zahanati ya Itundwi, Uongozi wa Shule ya Sekondari Masange pamoja na kamati za Miradi husika ndani ya kata hizo mbili (Mnenia na Masange).