MKURUGENZI KONDOA DC AFUNGUA MAFUNZO YA MAAFISA WAANDIKISHAJI WASAIDIZI NA WAENDESHAJI VIFAA VYA BAYOMETRIKI

Posted on: May 5th, 2025

Mkurugenzi Mtendaji  wa Halmashauri ya Wilaya ya Kondoa Ndg.Shaban Millao amefungua mafunzo ya zoezi la Uboreshaji wa Daftari la kudumu la mpiga kura awamu ya pili kwa Waandishi wasaidizi na Waendeshaji vifaa vya Bayometriki katika Ukumbi wa Chuo cha Bustani ambapo jumla ya waandishi wasaidizi na waendeshaji vifaa vya bayometriki 160 wamepata mafunzo hayo.

Akifungua mafunzo hayo  Ndg.Millao amewapongeza Maafisa Uandikishaji kwa kuteuliwa akiwataka kutumia fursa hiyo kupata elimu ya kutosha katika kutekeleza malengo ya Tume huru ya Uchaguzi.

 "Ni matumaini yangu kila mmoja atapa elimu ya kutosha itakayo muwezesha kutekeleza majukumu atakayopewa hii leo ili kufanikisha lengo lililowekwa na Tume huru ya Taifa ya Uchaguzi". alismea Ndg.Millao

Kwa upande wake Afisa Uandikishaji Jimbo la Kondoa Ndg.Peter Ngumuo katika taarifa yake amesema kuna jumla ya washiriki 160 kwa upande wa waandishi wasaidizi pamoja na waendeshaji vifaa vya bayometriki katika mafunzo  ya muda wa siku moja na utekelezaji wake utafanyika katika vituo 44 kwa muda wa siku saba (7) kuanzia tarehe 16 Mei mpaka tarehe 22 Mei 2025.

Akihitimisha mafunzo hayo Afisa Uandikishaji Jimbo la Kondoa Ndg.Ngumuo amewasihi waandikishaji wasaidizi na waendeshaji vifaa vya bayometriki kuzingatia kanuni na taratibu za utendaji kazi, kuepuka tabia ambazo zinaweza kuathiri utekelezaji wa majukumu yao, utunzaji wa vifaa vitakavyotumika katika uendeshaji wa zoezi hilo na   kuzingatia muda sahihi wa kufungua vituo ambao ni saa 2:00 na kufunga saa 12:00 jioni ndani ya muda wa siku hizo saba.