Mafunzo ya fundi Mchundo (Local service provider LSP)

Posted on: September 15th, 2018

Katika picha ni jumla ya fundi mchundo wapatao 84 toka kwenye vijiji 84 ikijumuisha halmashauri ya kondoa yenye vijiji 63 toka kata 21 vilivyoko kwenye  mpango wa kunusuru kaya masikini na halmashauri ya kondoa mji mitaa 21 toka kata 7 zinazohudumiwa na TASAF.Mgeni rasmi katika  ufunguzi wa mafunzo haya alikua ni kaimu mkurugenzi  wa halmashauri ndugu   Archanus Kilaja ,katika ufunguzi huu alisema lengo la mafunzo haya ni kuwezesha na kuwajengea uwezo na uelewa wa pamoja juuya dhana nzima ya utekelezaji wa miradi ya ajira ya  muda kwa fundi mchundo wote watakao husika na usimamizi wa karibu katika kutekeleza miradi hii ili itekelezwe katika ubora unaokubalika kisekta na kisera.

Mgeni rasmi aliwasisitiza kua nimuhimu sana kila fundi mchundo  anapaswa kuhakikisha kua vipande vya kazi wanavyopewa walengwa ni vyenye vipimo sahihi kama mpango kazi unavoonesha,pia kutoa utaalam na usimamizi kwa niaba ya halmashauri za vijiji na ofisi ya mkurugenzi mtendaji wa halmashauri.

Tatu kuhakiki ubora wa kazi na ukamilishaji wa kazi kwa kila mlengwa kabla ya mlengwa kuondoka eneo la kazi.

Nne kuisaidia kamati kuandaa mahudhurio ya kila siku na kujaza fomu  mbalimbali zinazohusu utekelezaji wa mradi(job card)

Tano Fundi mchundo anawajibu wa kuelimisha matumizi sahihi ya fedha wanazolipwa kupitia TASAF ikiwa ni pamoja na kuwekeza katika ufugaji wa kuku,mbuzi,uanzishaji wa migahawa pamoja na uboreshaji wa makazi pia pamoja na mambo mengi aliosema , alisistiza kua ni wajibu wa fundi mchundo kuhamasisha walengwa umuhim wa kujiunga na Mfuko wa afya ya jamii(CHF) kwa shilingi 30,000/= kwa watu sita kwa kaya ili waweze kupata matibabu kwa mwaka mzima.

Miradi hii imeanza kutekelezwa rasmi katika wilaya hii kwa mwaka huu kuanzia tarehe 15/08/2018 na inategewa kukamilika tarehe 15/11/2018 ambayo itakua ni jumla ya siku 60 ikimaanisha siku 15 kwa mwezi pia wilaya ya kondoa inatekeleza jumla ya miradi 108 ambayo miradi ya makinga maji ni 30 ,miradi ya marambo ni 45, miradi ya mboga mboga ni 09, miradi ya vitalu vya miti ni 23 na mradi 01 wa kuziba korongo.

Katika kuhitimisha hotuba yake Kilaja alisema fundi mchundo ama mtoa huduma mwenyeji local service Provider akishindwa kusimamia majukumu yake ipasavyo  na kusababisha hasara ama utekelezaji hafifu wa mradi hatua kali za kisheria zitachukuliwa dhidi yake ikiwa ni pamoja na kurudisha mishahara aliyolipwa na kufikishwa mahakamani mara moja na aliwatakia utekelezaji mwema wa miradi wenye kuzingatia sheria ili lengo la mradi liweze kufanikiwa.