KIONGOZI MKIMBIZA MWENGE WA UHURU MWAKA 2024 AKAGUA BARABARA YA BEREKO-KISESE NA DACHENCHE

Posted on: July 2nd, 2024

Kiongozi Mkimbiza Mwenge wa Uhuru mwaka 2024 Ndg.Godfrey Mnzava pamoja na ujumbe wa Mwenge amekagua mradi wa matengenezo ya Barabara ya Bereko-Kisese-Dachenche yenye urefu wa jumla ya KM 20.6.

Ndg.Mnzava amepongeza jitihada zinazofanywa na serikali ya awamu ya sita chini ya Mhe.Rais Dkt Samia Suluhu Hassan kwa kutoa fedha za utekelezaji wa miradi ya Barabara nchini zinazochochea shughuli za uchumi na kurahisisha usafiri na usafirishaji na kuwataka wataalam   kusimamia kwa uaminifu kwa kuzingatia thamani halisi ya fedha kwenye mradi huo.

Awali akiwasilisha taarifa yake Meneja TARURA Wilaya ya Kondoa Mhandisi Eliufoo Majuto amesema mradi huo unatumia fedha za Bodi ya  Mfuko wa Barabara (Roads Fund's Board RFB) katika mwaka wa fedha 2023/2024 kwa gharama ya Tsh Mil 81,966,805.00 ambao hadi sasa umefikia 90% ukitekelezwa na Mkandarasi M/S Baregereje Construction Works Ltd- Dodoma.

Matarajio ya kukamilika kwa mradi ni tarehe 02/08/2024 utakaosaidia muunganiko wa huduma za  usafiri na usafirishaji katika kata za Bereko,Kisese na Kikore na maeneo jirani kufikika kirahisi pamoja na kupunguza gharama za usafiri hasa kipindi cha masika.

Mbio za Mwenge wa Uhuru mwaka 2024 unabebwa na ujumbe usemwao "Tunza Mazingira na Shiriki Uchaguzi wa Serikali za Mitaa kwa Ujenzi wa Taifa Endelevu ".