KAMATI YA LISHE KONDOA DC YAFANYA ZIARA KATA YA BUMBUTA

Posted on: August 22nd, 2025

Kamati ya lishe Halmashauri ya Wilaya ya Kondoa imefanya ziara katika kata ya Bumbuta kukagua utekelezaji wa Afua za lishe.

Akiongoza kamati hiyo kwa niaba ya Mwenyekiti wa Kamati, Ndg.Peter Ngomuo ambaye ni Mkuu wa Divisheni ya Utawala na Rasilimali Watu amesema lengo la ziara hiyo ni kukagua utekelezaji wa afua za lishe kwa robo ya nne( 2024/2025) zinazotekelezwa katika kata hiyo.

Wakiwa ziarani ujumbe huo umekagua hali ya utoaji wa huduma ya chakula shule ya sekondari Bumbuta, Ufungwaji wa mashine maalum ya kinyunyizi virutubishi (dosifier)ambayo imefungwa katika kiwanda cha kusaga mahindi pamoja na ukaguzi wa huduma za afua za lishe katika Zahanati ya Bumbuta. Lengo likiwa ni kuboresha Lishe kwa Jamii hususan, Wanafunzi, kina Mama wajawazito na Watoto chini ya miaka 5

Katika ziara hiyo ujumbe wa kamati ya lishe ulipokea taarifa ya hali ya utekelezaji wa afua za lishe na ulisisita uendelezwaji wa kutoa elimu kwa jamii dhidi ya umuhimu wa matumizi ya unga wenye virutubishi kupitia kiwanda kilichopo kwenye kata hiyo sambamba na uhamasishaji wananchi kuendelea kuchangia chakula shuleni.

Ziara hii ilijumuisha wajumbe kutoka Divisheni ya Elimu Msingi & Sekondari,  Maendeleo ya Jamii, Afya, Lishe na Ustawi wa Jamii pamoja na Divisheni ya Kilimo, Mifugo na Uvuvi.

Habari na; Brighton Kimaro

Mhariri: Cosmas Mworia

KDC-Habari