INNOVATION AFRICA –TANZANIA KUPUNGUZA ADHA YA MAJI KONDOA DC

Posted on: January 22nd, 2024

Halmashauri ya Wilaya ya Kondoa ni mwa baadhi ya halmashauri mkoani Dodoma zinazonufaika na miradi ya uchimbawaji visima kwa vijiji vyenye wakazi 3000 na zaidi kupitia ufadhili wa shirika lisilo la kiserikali nchini la INNOVATION AFRICA TANZANIA.

Kwa kipindi cha mwaka 2023 halmashauri kupitia vijiji takribani 15 vilinufaika na miradi ya uchimbiwaji visima na ujenzi wa vituo vya kutolea huduma ya maji ikiwemo Kwadinu ,Changaa,Chololo,Endamoshi,Makafa,Mahongo,Mwisanga,Kalamba chini,Hebi juu,Waki,Mitati,Kiroroma,Loo,Kikore,Kwahengwa,Sakami pamoja na Salanka.

Mkuu wa Wilaya ya Kondoa Mh.Dkt Khamis Mkanachi ametumia nafasi hiyo kuipongeza INNOVATION AFRICA kwa jitihada zao za kushirikiana na Serikali ya Awamu ya Sita kupitia Wakala wa Maji Mijini na Vijijini (RUWASA) kwa kufadhili uchimbaji visima vya maji safi na salama ili kupungza adha ya maji inayovikumba vijiji na mitaa mingi wilayani kondoa akiwaomba kuendelea kuchimba visima vingi katika vijiji vingine vinavyokumbwa na adha hiyo.

Awali katika taarifa yake Ndg.Kelvin Madundo ambaye ni Meneja INNOVCATION AFRICA TANZANIA amesema zaidi ya vijiji 27 kwa mwaka 2024 viko katika mpango wa kuchimbiwa visima wilayani baada ya kujumuishwa katika mpango wa kupata huduma ya maji kwa kukidhi vigezo vya wafadhili.

Ndg.Madundo amesema utafiti hufanyika kwenye kijiji nufaika kwa ajili ya kupata maji safi na salama ,Ujenzi wa miradi ya maji kwa kuchimba kisima ,Uwekaji umeme wa Nishati ya Jua ili kupunguza gharama za ununuzi wa huduma ya luku,Uwekaji wa Tanki la maji la ujazo wa lita 10,000, Uchimbaji wa mitaro kwa kushirikiana na wanachi wanufaika mradi ,Ujenzi wa vituo 5 hadi 8 vya usambazaji wa maji kijiji husika pamoja na Utoaji wa mafunzo ya usimamizi wa mradi kwa wazawa 10 kutoka kijiji husika kwa kipindi chote cha ujenzi wa mradi ili kusaidia kuendesha mifumo na ukarabati wa mradi baada ya kukamilika.

Warsha hiyo imewakutanisha wadau mbalimbali wa maji wakiwemo waheshimiwa Madiwani ,Maafisa tarafa ,Wenyeviti,Watendaji wa vijiji nufaika,Wakala wa maji mijini na vijijini (RUWASA) na Mamlaka ya maji mjini ( KONDUWASA), Viongozi wa Dini na Chama ,Makaimu Wakurugenzi Halmashauri Wilaya na Mji na wageni wengine.Taarifa na chanzo chetu www.kondoadc.go.tz.