HUDUMA YA MBOLEA YA RUZUKU KUTOLEWA KONDOA DC

Posted on: December 12th, 2024

Halmashauri ya Wilaya ya Kondoa kwa kushirikiana na wadau wa maendeleo, inaendelea kutoa huduma ya mbolea ya ruzuku katika vituo vinne vilivyopo katika Halmashauri.

Akizungumza katika mahojiano maalum Mkuu wa Divisheni ya Kilimo, Mifugo na Uvuvi Ndg.Juvenal Munishi amesema huduma hiyo ya utoaji wa mbolea ya ruzuku inatolewa katika vituo vinne vya Haubi, Loo, Bukulu pamoja na Bereko.

"Mkulima anapaswa kuwa na namba yake ya mkulima (aliyoipata baada ya kusajiliwa kwenye mfumo wa ruzuku ya Serikali ndipo anaweza kupata huduma hiyo kwa Bei ya punguzo. Kama mkulima hana namba ya usajili, amuone mtalaamu wa Ugani wa kata au Kijiji chake akiwa na namba ya kitambulisho cha NIDA na hapo atasajiliwa na kupata namba yake ndani ya dakika 3 hadi 5.

 Pia ameeleza kuwa ni lazima mkulima aende na simu yenye namba iliyotumika kujisajili kwa sababu kabla ya mauzo, mkulima atatumiwa namba za siri ambazo atampatia muuzaji ili akamilishe mauzo.

Ndg.Munishi amesema mbolea ya kupandia iliyopo inaitwa Fomi Otesha ambayo wakulima wengi wameitumia katika misimu miwili iliyopita ambayo imefanya vizuri. " Mbolea hiyo ina virutubishi aina 5 ambavyo ni muhimu sana kwenye ukuaji wa mimea".

Ndg. Munishi amesema, Halmashauri imekubaliana na wadau wa maendeleo wanaouza mbolea hizo kuwa kuanzia tarehe 20 Disemba, walete mbolea ya kukuzia (Sulphate of Ammonia-SA kwa ukanda wa Haubi na Kalamba na UREA kwa ukanda wa Bukulu na Bereko).

Mahitaji ya mbolea za kupandia na kukuzia katika Halmashauri ya Wilaya ya Kondoa katika msimu wa 2024/2025 ni tani 950 ambapo kwa kipindi cha mwezi Novemba hadi tarehe 5 Disemba, 2024 zimenunuliwa tani 112.5. Katika msimu uliopita wa 2023/2024 jumla ya tani 625.5 zilitumika kupandia na kukuzia mazao mbalimbali.

 Pia Ndg.Munishi ameendelea kuwakumbusha Wakulima kuendelea kufuata kanuni bora za kilimo bora ikiwa ni pamoja na kutumia mbegu bora, kupanda kwa nafasi, kutumia mbolea za kupandia na kukuzia, kuangamiza wadudu waharibifu wa mazao n.k. Kwa kufanya hivyo, wakulima watazalisha kwa tija, watapata chakula cha kutosha na watauza mazao ya biashara ili waongeze