DKT CHARLES MSONDE AFUNGA MAFUNZO KWA WALIMU MKOA WA DODOMA –BUSTANI KONDOA

Posted on: March 1st, 2024

Naibu Katibu Mkuu Ofisi ya Rais Tamisemi Dkt.Charles Msonde amefunga mafunzo kwa walimu 120 wa Elimu ya awali na maafisa elimu kata katika chuo cha Ualimu Bustani Wilayani Kondoa yaliyoandaliwa na Serikali kwa kushirikiana na shirika lisilo la kiserikali nchini Children in Crossfire.

Dkt.Msonde amesema walimu ni lulu ,serikali kwa kushirikiana na wadau wa elimu inaheshimu na kutambua hadhi yao akiwataka kilinda maadili na nidhamuu kutengeneza kizazi kilichobora na kupitia mafunzo hayo yakawasaidie kufanya mapinduzi makubwa ya elimu bora.

Dkt. Emanuel Shindika (Mkurugenzi wa Idara ya Usimamizi wa Elimu OR TAMISEMI)amesema Ofisi ya Rais Tamisemi inatambua shughuli za serikali na shughuli zinazotekelezwa na shirika hilo katika kuhakikisha elimu ya awali inatekelezwa kwa bora ,viwango stahiki,sera,miongozo na mabadiliko ya kielimu akiwaasa kupanua wigo zaidi katika mikoa mingine kuwajengea uwezo walimu.

Kwa upande wake Afisa Elimu Mkoa wa Dodoma Mw.Vicent B.Kayombo amesema mafunzo hayo yametolewa kwa walimu 326 ikiwa na walimu wa awali mahiri 146,maafisa elimu ngazi ya kata 146,viongozi wa elimu halmashauri 32,wataalam wawili wa mkoa wakiwawezesha jumla ya mada 11 ikiwemo makuzio ya ubongo wa mtoto katika miaka ya awali ,wasilisho la mtaala wa elimu 2023,elimu jumuishi,maandalizi ya ujifunzaji na ufundishaji n.k akitoa shukrani kwa shirika hilo kwa mchango wake katika sekta ya Elimu mkoani Dodoma.

Naye Mkurugenzi Mkazi wa Children in Crossfire Ndg.Craig Ferla amesema wanatambua uwekezaji unaofanywa na serikali kwenye elimu ya awali na mkoa wa Dodoma ni mfano katika uwekezaji wa kimkakati ,elimu ya awali ikinawiri itakua chachu kwa Bara zima la Afrika kwa matokeo makubwa ikiwa watoto watapata Elimu ya Awali bora,itawajengea utayari wa shule kuwa kwenye mwelekeo sahihi wa ukuaji wao ili kujenga rasilimali watu wenye tija zaidi.

Mafunzo hayo yamefanyika katika vituo viwili vilivyogawa halmashauri za mkoa wa Dodoma yakianzia kituo cha Dodoma Jiji kwa Halmashauri ya Mpwapwa,Bahi na Manispaa ya Dodoma Jiji ,kituo cha pili ni Chuo cha Ualimu Bustani Wilayani Kondoa ikizikutanisha halmashauri za Wilaya &Mji Kondoa pamoja na Chemba ikiwakutanisha Maafisa elimu kata ,Wadhibiti ubora wa halmashauri,Afisa elimu maalum ,Taaluma pamoja na Wawezeshaji kutoka Vyuo vya Ualimu ,Chuo kikuu huria cha Tanzania ,Wizara ya Elimu Sayansi na Teknolojia ,Ofisi ya Rais Tamisemi ,Ofisi ya RAS Dodoma na wataalam kutoka shirika la Children in Crossfire.