DED MILLAO AHIMIZA USIMAMIZI MPANGO WA UTUNZAJI MAZINGIRA KONDOA DC

Posted on: May 12th, 2025

Mkurugenzi Mtendaji wa Halmashauri ya Wilaya ya Kondoa Ndg.Shaban Millao amefungua kikao cha wadau wa mazingira kilicholenga kupata maoni ya wadau kuhusu Mpango wa Utunzaji Mazingira.

Ndg.Millao amesema mpango huu ni sehemu mojawapo ya ulinzi wa mazingira, akielezea juhudi zilizofanywa na Serikali ya awamu ya sita chini ya Mhe.Rais Dkt Samia Suluhu Hassan katika kukabiliana na athari za uharibifu wa mazingira na kuwahimiza wadau hao kuwa chachu ya kuhakikisha USIMAMIZI wa mazingira unaimarishwa.

"Mafanikio yoyote yatakayopatikana kwa utunzaji wa mazingira, maana yake nyuma yake mpo ninyi, tukawe chachu ya kuhakikisha mazingira yetu yanaimarika kwa kuchangia vyema kwa maslahi ya vizazi vijavyo tukiwa suluhisho endelevu pamoja na kulifanya ajenda ya kudumu katika vikao vyetu. "ameongeza Ndg.Millao.

Ndg.Millao ametumia nafasi hiyo kulipongeza shirika la "Inades Formation" kwa kuendelea kushirikiana na Serikali katika utunzaji wa mazingira kama mdau kwa kuichagua Kondoa kama eneo la kufanyia kazi i?na kuvinufaisha vijiji vitano muwepo Kijiji cha Sambwa katika utunzaji wa mazingira.

Sambamba na pongezi hizo Ndg.Millao amewahimiza wadau waliojitokeza kwa kuzingatia uwakilishi wa wananchi na wakulima kuhakikisha wanachagua viongozi bora katika Uchaguzi Mkuu mwaka 2025

Awali akiwakaribisha wadau katika kikao hicho Ndg.Elizabet Shoo ambaye ni Mratibu wa Mpango huo amesema Mpango huo unaokusudia kuweka msistizo katika utunzaji wa mazingira kwa ajili ya kukabiliana na athari za mabadiliko ya Tabianchi, mpango ukipitia hatua mbalimbali zinazotakiwa ili uweze kutekelezwa ili kuwanufaisha wananchi ukizigusa sekta mbalimbali ikiwemo mifugo, kilimo n.k.

Kikao hicho kimewakutanisha wadau mbalimbali wa mazingira wakiwemo TFS, TARURA, MKUNGUNERO, RUWASA, INADES FORMATION, Viongoziwa Dini, Viongozi Kundi la watu wenye Ulemavu, Uwakilishi kundi la Vijana na Wakulima pamoja na Wajumbe Kamati ya Mazingira Halmashauri.