DC NYANGASSA ATUMA SALAMU KWA WENYEVITI WA VIJIJI NA MITAA WILAYA YA KONDOA

Posted on: January 11th, 2025

Mkuu wa Wilaya ya Kondoa Mhe.Fatma Nyangassa amewapongeza Viongozi wa Serikali za Mitaa na Vijiji kwa kuchaguliwa na wananchi wa wilaya ya Kondoa kupitia Uchaguzi wa Serikali za Mitaa uliofanyika Novemba 27,2024.

Mhe.Nyangassa amezitoa pongezi hizo alipokuwa katika Mkutano wa hadhara na wananchi wa kata ya Kikore kijiji cha Hurui kwa ajili ya kusikiliza na kutatua kero za wananchi hao akianza kuwapongeza Viongozi wa Serikali ya Kijiji wa kata hiyo.

"Mhe.Mwenyekijiti wa kijiji nikupongeze kwa kuchaguliwa na kuwa miongoni mwa timu yetu na kuhakikisha hurui sasa inapiga hatua zaidi ya mlipofikia,wananchi hawa wanategemea umoja wetu kama viongozi tuweze kuwaongoza vizuri,kushirikiana nao vizuri ili tuweze kupiga hatua kwa maendeleo ya wilaya yetu."amesema Mhe.Nyangassa.

Mhe.Nyangassa amewataka viongozi   hao kuangalia,kufuatilia na kutatua kero za wananchi na sio kuwa sehemu ya ulalamishi,akiwasisitiza kuwa kwa kero zilizondani ya uwezo wao kuzitatua na zilizo nje ya uwezo wao kuzifikisha mahala husika na kuzifuatilia ili kupata ufumbuzi wa changamoto za wananchi wetu.

Hata hivyo Mhe.Nyangassa ameahidi kuitisha kikao maalum na wenyeviti wote wa vijiji na mitaa wa Halmashauri zote mbili (Wilaya na Mji Kondoa).

Katika ziara yake kijijini hapo,Mhe.Nyangassa aliambatana na timu ya wataalam kutoka Halmashauri wakiongozwa na Mkurugenzi Mtendaji wa Halmashauri ya Wilaya ya Kondoa Ndg.Shaban Millao,  Taasisi za umma ikiwemo TARURA na TFS.