DC NYANGASSA AAGIZA MIRADI KUKAMILIKA KABLA YA DISEMBA 30 KONDOA DC

Posted on: December 20th, 2024

Mkuu wa Wilaya ya Kondoa Mhe.Fatma Nyangassa amewataka wasimamizi wa miradi iliyopo ndani ya Halmashauri,ambayo ni Ujenzi wa Vyumba vya Madarasa matatu na Matundu matatu ya vyoo kata ya Keikei, Mradi wa Ujenzi wa Shule Mpya ya Sekondari Mnenia kata ya Mnenia pamoja na Ujenzi wa Vyumba viwili vya Madarasa na Mabweni mawili shule ya Sekondari Bukulu kata ya Soera kuikamilisha kabla ya tarehe 30, Disemba 2024.

Mhe.Nyangassa ameendelea kusisitiza kuwa hakuna msimamizi wa miradi hiyo yeyote atakaeweza kwenda likizo kabla ya kukamilisha mradi wake kwani  miradi hiyo inahitaji ufanisi na kuwataka wawepo saiti muda wote.

Aidha kwa upande wake Mkurugenzi Mtendaji wa Halmashauri ya Wilaya ya Kondoa Ndg.Shaban Millao amesema kuwa ameyapokea maagizo hayo na kuahidi kukamilisha kama alivyoagiza na kwa yeyote ambaye hatokamilisha maagizo yaliyotolewa na Mkuu wa Wilaya basi atatenguliwa katika nafasi aliyopo.

Maagizo hayo yametolewa leo tarehe14, Disemba 2024 katika Ofisi ya Mkuu wa Wilaya yakizikutanisha ofisi yake na baadhi ya Divisheni kutoka Ofisi ya Mkurugenzi Mtendaji wa Halmashauri ya Wilaya ya Kondoa.