DC NYANGASA AHIMIZA UJENZI WA TIMU YENYE TIJA BARAZA JIPYA LA MADIWANI KONDOA DC

Posted on: December 5th, 2025

Mkuu wa Wilaya ya Kondoa Mhe.Fatma Nyangasa amewahimiza Waheshimiwa Madiwani na  Menejimenti ya Halmashauri ya Wilaya ya Kondoa kujenga timu ya pamoja itakayoleta tija kwa wananchi wa kondoa.

Mhe.Nyangasa ameyasema hayo akizindua Baraza Jipya la Waheshimiwa Madiwani wa Halmashauri ya Wilaya ya Kondoa katika Mkutano wa kwanza wa Baraza la Madiwani mapema Disemba 05,2025 baada ya kufanyika kwa Uchaguzi Mkuu wa Rais,Wabunge na Madiwani Oktoba 29,2025.

"Niwapongeze kwa kupata nafasi ya kutumikia wananchi wa kondoa,twende pamoja tukihakikisha tunaleta mabadiliko kwa maslahi ya wanakondoa,tukijua tunawatumikia wananchi tukienda sambamba kwa kushirikiana na wataalam wetu wa Halmashauri amesema Mhe.Nyangasa.

"Tukawe wahamasishaji wa shughuli za maendeleo kwa kuwashirikisha wananchi wetu.penye ufafanuzi tukatoe tukiwa wepesi wa kupata maelezo ya kina ili kuondoa gepu la mawasiliano."ameongeza Mhe.Nyangasa.

Kwa upande wake Mwenyekiti Mpya wa Halmashauri Mhe.Salum Mabote,kwa niaba ya Waheshimiwa Madiwani amepokea pongezi hizo na rai ya utekelezaji wa majukumu yao, akiahidi ushirikiano kwa viongozi,watumishi na wananchi wa Halmashauri ya Wilaya ya Kondoa.

Awali katika Mkutano huo,Mhe.Nyangasa ameshuhudia hafla ya Uapisho na Tamko la Mali na Madeni kwa Jumla ya Waheshimiwa Madiwani 29 sambamba na zoezi la kukabidhi vitendea kazi kwa Waheshimiwa Madiwani.